Lyrik

Konrad von Würzburg
Exportiert aus Wikisource am 11. August 2022
Konrad von Würzburg
[[Bild:|220px]]
* zwischen 1220 und 1230 in Würzburg
† 31. August 1287 in Basel
mittelhochdeutscher Dichter
Artikel in der Wikipedia
Bilder und Medien bei Commons
Zitate bei Wikiquote
GND-Nummer 118565133
WP-Personensuche, SeeAlso, Deutsche Digitale Bibliothek
DNB: Datensatz, Werke
Werke
Texte
Got gewaltic was du ſchikeſt (Codex Manesse, Blatt 383v und 384r)
Got gewaltic was du schikest (Codex Manesse, Blatt 383v und 384r)
Venvs dú feine dú iſt entſlafen (Codex Manesse, Blatt 384r und 384v)
Venvs dú feine dú ist entslafen (Codex Manesse, Blatt 384r und 384v)
Nv git aber der ſuͤſſe meie (Codex Manesse, Blatt 384v)
Nv git aber der suͤsse meie (Codex Manesse, Blatt 384v)
Maniger wūne bilde (Codex Manesse, Blatt 384v und 385r)
Maniger wunne bilde (Codex Manesse, Blatt 384v und 385r)
Iarlanc vf der heide bꝛeit (Codex Manesse, Blatt 385r)
Jarlanc vf der heide breit (Codex Manesse, Blatt 385r)
Iarlanc ſcheidē (Codex Manesse, Blatt 385r)
Jarlanc scheiden (Codex Manesse, Blatt 385r)
Seht an die wūneklichē zit (Codex Manesse, Blatt 385r)
Seht an die wunneklichen zit (Codex Manesse, Blatt 385r)
Svmer hīnen kere· mit ſere· ſin ere· ſwachē will (Codex Manesse, Blatt 385r und 385v)
Svmer hinnen kere· mit sere· sin ere· swachen will (Codex Manesse, Blatt 385r und 385v)
Meie den gruͤnē walt (Codex Manesse, Blatt 385v)
Meie den gruͤnen walt (Codex Manesse, Blatt 385v)
Iarlanc wil dú linde (Codex Manesse, Blatt 385v)
Jarlanc wil dú linde (Codex Manesse, Blatt 385v)
Heide velt berg vn̄ tal (Codex Manesse, Blatt 385v)
Heide velt berg vnd tal (Codex Manesse, Blatt 385v)
Schǒwent wie dú heide ſich enpferwet (Codex Manesse, Blatt 385v und 386r)
Schǒwent wie dú heide sich enpferwet (Codex Manesse, Blatt 385v und 386r)
Iarlanc vꝛijet ſich dú gruͤne linde (Codex Manesse, Blatt 386r)
Jarlanc vrijet sich dú gruͤne linde (Codex Manesse, Blatt 386r)
Do dc liehte moꝛgē rôt (Codex Manesse, Blatt 386r)
Do dc liehte morgen rôt (Codex Manesse, Blatt 386r)
Ich ſihe den moꝛgē· ſternen gleſtē (Codex Manesse, Blatt 386r und 386v)
Ich sihe den morgen· sternen glesten (Codex Manesse, Blatt 386r und 386v)
Heide mit kleide· zieret ſich gar ane we (Codex Manesse, Blatt 386v)
Heide mit kleide· zieret sich gar ane we (Codex Manesse, Blatt 386v)
Iarlanc wil dú heide· mit leide (Codex Manesse, Blatt 386v)
Jarlanc wil dú heide· mit leide (Codex Manesse, Blatt 386v)
Milte zieret edeln mv̊t (Mit originalen Lettern) (Codex Manesse, Blatt 387r)
Milte zieret edeln mv̊t (Mit aufgelösten Abbreviaturen) (Codex Manesse, Blatt 387r)
Merke ein hohgeboꝛne ivgent (Codex Manesse, Blatt 387r)
Merke ein hohgeborne ivgent (Codex Manesse, Blatt 387r)
Zv̊ dem fvhs ein affe ſpꝛach (Codex Manesse, Blatt 387r)
Zv̊ dem fvhs ein affe sprach (Codex Manesse, Blatt 387r)
Ein loͤwe einē ſpiegel kos (Codex Manesse, Blatt 387r)
Ein loͤwe einen spiegel kos (Codex Manesse, Blatt 387r)
Ich ſolt aber ſingen vō den roſen rot (Codex Manesse, Blatt 387r)
Ich solt aber singen von den rosen rot (Codex Manesse, Blatt 387r)
Tǒ mit vollē· aber trúfet (Codex Manesse, Blatt 387r)
Tǒ mit vollen· aber trúfet (Codex Manesse, Blatt 387r)
Iarlanc vō dem kaltē ſne (Codex Manesse, Blatt 387r und 387v)
Jarlanc von dem kalten sne (Codex Manesse, Blatt 387r und 387v)
Willekomē ſi dú zit (Codex Manesse, Blatt 387v)
Willekomen si dú zit (Codex Manesse, Blatt 387v)
Iarlanc treit (Codex Manesse, Blatt 387v)
Jarlanc treit (Codex Manesse, Blatt 387v)
Swer ſich dar an ſtôſſet (Codex Manesse, Blatt 387v)
Swer sich dar an stôsset (Codex Manesse, Blatt 387v)
Ich pꝛuͤue vn̄ kúſe (Codex Manesse, Blatt 387v)
Ich pruͤue vnd kúse (Codex Manesse, Blatt 387v)
Hvs ere iſt ein genade· rich dv́ froͤmden gaſt (Codex Manesse, Blatt 387v und 388r)
Hvs ere ist ein genade· rich dv́ froͤmden gast (Codex Manesse, Blatt 387v und 388r)
Voꝛhte vn̄ ſchamendeſ h̾zen ger (Codex Manesse, Blatt 388r)
Vorhte vnd schamendes herzen ger (Codex Manesse, Blatt 388r)
Aſpis ein wurn geheiſſen iſt (Codex Manesse, Blatt 388r)
Aspis ein wurn geheissen ist (Codex Manesse, Blatt 388r)
Ich weis wol dc des kargē mv̊t (Codex Manesse, Blatt 388r)
Ich weis wol dc des kargen mv̊t (Codex Manesse, Blatt 388r)
Der karge riche vert vō hus (Codex Manesse, Blatt 388r)
Der karge riche vert von hus (Codex Manesse, Blatt 388r)
An lúten hat dú gotes kraft (Mit originalen Lettern) (Codex Manesse, Blatt 388r)
An lúten hat dú gotes kraft (Mit aufgelösten Abbreviaturen) (Codex Manesse, Blatt 388r)
Niemā iſt ane bꝛeſtē gar (Codex Manesse, Blatt 388r)
Nieman ist ane bresten gar (Codex Manesse, Blatt 388r)
Gar· bar· lit· wit· walt (Mit originalen Lettern) (Codex Manesse, Blatt 388r und 388v)
Gar· bar· lit· wit· walt (Mit aufgelösten Abbreviaturen) (Codex Manesse, Blatt 388r und 388v)
Iarlanc wil dú linde· vō winde· ſich velwē (Codex Manesse, Blatt 388v)
Jarlanc wil dú linde· von winde· sich velwen (Codex Manesse, Blatt 388v)
Minen mv̊t (Mit originalen Lettern) (Codex Manesse, Blatt 388v)
Minen mv̊t (Mit aufgelösten Abbreviaturen) (Codex Manesse, Blatt 388v)
Willekomē ſi dú zit (Codex Manesse, Blatt 388v)
Willekomen si dú zit (Codex Manesse, Blatt 388v)
Swa tac erſchinē ſol (Codex Manesse, Blatt 388v)
Swa tac erschinen sol (Codex Manesse, Blatt 388v)
Wint̾ vf der heide blv̊mē ſelwet· der mit vꝛoſte velwet (Codex Manesse, Blatt 388v)
Winter vf der heide blv̊men selwet· der mit vroste velwet (Codex Manesse, Blatt 388v)
Maniger nv vō ſiner tvgende gahet· der die ſchande enpfahet (Codex Manesse, Blatt 388v und 389r)
Maniger nv von siner tvgende gahet· der die schande enpfahet (Codex Manesse, Blatt 388v und 389r)
Wafen vber die ſchande ſi geſchꝛiêt· dú vil eren vꝛiet (Codex Manesse, Blatt 389r)
Wafen vber die schande si geschriêt· dú vil eren vriet (Codex Manesse, Blatt 389r)
Einen kargen wilent des bevilte· dc ein man ſich milte (Codex Manesse, Blatt 389r)
Einen kargen wilent des bevilte· dc ein man sich milte (Codex Manesse, Blatt 389r)
Wart ie beſſer iht fúr vngemvͤte· danne wibes guͤte (Codex Manesse, Blatt 389r)
Wart ie besser iht fúr vngemvͤte· danne wibes guͤte (Codex Manesse, Blatt 389r)
Das die miltē alſo fruͤge ſterbent· die nah pꝛiſe w̾bent (Codex Manesse, Blatt 389r)
Das die milten also fruͤge sterbent· die nah prise werbent (Codex Manesse, Blatt 389r)
Got h̾re ân anegenge vn̄ ǒch an ende almehtig got (Codex Manesse, Blatt 389r)
Got herre ân anegenge vnd ǒch an ende almehtig got (Codex Manesse, Blatt 389r)
Got h̾re was dv wunders an dir ſelben haſt geſchiket (Codex Manesse, Blatt 389r und 389v)
Got herre was dv wunders an dir selben hast geschiket (Codex Manesse, Blatt 389r und 389v)
Almehtic ſchepfer den ich ob den kúnigē allen ṕſe (Codex Manesse, Blatt 389v)
Almehtic schepfer den ich ob den kúnigen allen prise (Codex Manesse, Blatt 389v)
Got wil zeivngeſt ſinē tot v̾wîſſē vnſ vil armen (Codex Manesse, Blatt 389v)
Got wil zeivngest sinen tot verwîssen vns vil armen (Codex Manesse, Blatt 389v)
Frowe aller froͤide ich lobe an dir dc dv dē got gebere (Codex Manesse, Blatt 389v)
Frowe aller froͤide ich lobe an dir dc dv den got gebere (Codex Manesse, Blatt 389v)
Vs roſen bꝛēnet man ein waſſer ſo man dc gemeret (Codex Manesse, Blatt 389v)
Vs rosen brennet man ein wasser so man dc gemeret (Codex Manesse, Blatt 389v)
Der nît ſin vas vil tvnkel verwet als ein bleich gehilwe (Codex Manesse, Blatt 389v)
Der nît sin vas vil tvnkel verwet als ein bleich gehilwe (Codex Manesse, Blatt 389v)
Ein frowe dú mit kv́ſche vnſtet vs ir gemvͤte rútet (Codex Manesse, Blatt 389v und 390r)
Ein frowe dú mit kv́sche vnstet vs ir gemvͤte rútet (Codex Manesse, Blatt 389v und 390r)
Vf erde nie kein man geſach ſo tǒgēliche kloſen (Codex Manesse, Blatt 390r)
Vf erde nie kein man gesach so tǒgenliche klosen (Codex Manesse, Blatt 390r)
Zwelf ſchacher zeines túrſen hus ī einem walde kamē (Codex Manesse, Blatt 390r)
Zwelf schacher zeines túrsen hus in einem walde kamen (Codex Manesse, Blatt 390r)
Genúhtig man an ſippeſchefte pꝛuͤue· in dem ſinne (Codex Manesse, Blatt 390r)
Genúhtig man an sippeschefte pruͤue· in dem sinne (Codex Manesse, Blatt 390r)
Hohvertig ſchalc· en mac niht lāge rihſen bi gelúke (Codex Manesse, Blatt 390r)
Hohvertig schalc· en mac niht lange rihsen bi gelúke (Codex Manesse, Blatt 390r)
Ein húbeſcher hūt d̾ ſpilte gegē ſinem h̾ren ſchone (Codex Manesse, Blatt 390r)
Ein húbescher hunt der spilte gegen sinem herren schone (Codex Manesse, Blatt 390r)
Ir edelen tvmbē wes lant ir úch g̾ne toꝛē triegē (Codex Manesse, Blatt 390r)
Ir edelen tvmben wes lant ir úch gerne toren triegen (Codex Manesse, Blatt 390r)
Ein ritt̾ d̾ niht wete habe vō golde noch vō ſidē (Codex Manesse, Blatt 390r und 390v)
Ein ritter der niht wete habe von golde noch von siden (Codex Manesse, Blatt 390r und 390v)
Mir iſt ein loſer hoveſchalk· als ein kobolt vō buhſe (Codex Manesse, Blatt 390v)
Mir ist ein loser hoveschalk· als ein kobolt von buhse (Codex Manesse, Blatt 390v)
Wie ſol ich richē edelen ſchalk mit valſchē mv̊t erweſchē (Codex Manesse, Blatt 390v)
Wie sol ich richen edelen schalk mit valschen mv̊t erweschen (Codex Manesse, Blatt 390v)
Des argē oꝛe mvͤſſe ſin v̾wâſſen vn̄ v̾duͤmet (Codex Manesse, Blatt 390v)
Des argen ore mvͤsse sin verwâssen vnd verduͤmet (Codex Manesse, Blatt 390vr)
Mir iſt als ich niht lebēde ſi ſwēne ich entnvke ſere (Codex Manesse, Blatt 390v)
Mir ist als ich niht lebende si swenne ich entnvke sere (Codex Manesse, Blatt 390v)
Der mîſſener hat ſanges hoꝛt in ſines h̾zen ſchꝛine (Codex Manesse, Blatt 390v)
Der mîssener hat sanges hort in sines herzen schrine (Codex Manesse, Blatt 390v)
Vúr alle fůge iſt edel ſang getúret vn̄ geheret (Codex Manesse, Blatt 390v und 391r)
Vúr alle fůge ist edel sang getúret vnd geheret (Codex Manesse, Blatt 390v und 391r)
Dem adelarn vō rome w̾deklichē iſt gelv̄gē (Codex Manesse, Blatt 391r)
Dem adelarn von rome werdeklichen ist gelvngen (Codex Manesse, Blatt 391r)
Der biber iſt rilich̾ vil dāne genv̊ge h̾rē ſchinē (Codex Manesse, Blatt 391r)
Der biber ist rilicher vil danne genv̊ge herren schinen (Codex Manesse, Blatt 391r)
Übertragungen
Konrads von Würzburg goldene Schmiede von Wilhelm Grimm. Berlin, 1840 Google, Google
Konrads von Würzburg Silvester von Wilhelm Grimm. Göttingen, 1841 Google
Franz Roth (Hg.): Dër Wërlte lôn von Kūonrât von Wirzburc. Frankfurt am Main, 1843 Google
Engelhard. Eine Erzählung von Konrad von Würzburg mit Anmerkungen von Moriz Haupt. Leipzig, 1844 Google
Franz Roth (Hg.): Die mähre von der minne oder die herzmähre von Konrad von Würzburg nach acht handschriften herausgegeben. Frankfurt am Main, 1846 Google
Adelbert von Keller (Hg.): Der trojanische Krieg. (= Bibliothek des Litterarischen Vereins in Stuttgart, XLIV.) Nach den Vorarbeiten K. Frommanns und F. Roths zum ersten Mal herausgegeben. Litterarischer Verein, Stuttgart 1858 Commons = Google, Google, (ULB Düsseldorf)
Franz Roth (Hg.): Der Schwanritter. Eine Erzählung von Konrad von Würzburg. Frankfurt am Main, 1861 Google
Karl Bartsch (Hg.): Konrads von Würzburg Partonopier und Meliur Turnei von Nantheiz – Sant Nicolaus – Lieder und Sprüche. Aus dem Nachlasse von Franz Pfeiffer und Franz Roth herausgegeben. Wien, 1871 Google, Google
Der Welt Lohn, vor 1260 (1924)
Editionen
Heidelberg, Universitätsbibliothek, Cpg 848, Bl. 383r bis 391r, Digitalisat UB Heidelberg bis UB Heidelberg
Digitale Gesamtausgabe der Lyrik in Lyrik des Deutschen Mittelalters (LDM), Konrad von Würzburg
Sekundärliteratur
Gustav Klitscher: Die Fortsetzung zu Konrads v. Würzburg Trojanerkrieg und ihr Verhältnis zum Original, Diss., Breslau 1891 USB Köln
Wolfgang Golther: Konrad von Würzburg. In: Allgemeine Deutsche Biographie (ADB). Band 44. Duncker & Humblot, Leipzig 1898, S. 356–363
Wolfgang Walliczek: Konrad von Würzburg. In: Neue Deutsche Biographie (NDB). Band 12, Duncker & Humblot, Berlin 1980, ISBN 3-428-00193-1, S. 554–557 MDZ München
Weblinks
Digitale Gesamtausgabe der Lyrik in Lyrik des Deutschen Mittelalters (LDM), Konrad von Würzburg
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.
Got gewaltic was du schikest
Konrad von Würzburg
Exportiert aus Wikisource am 11. August 2022
[383v]
GOt gewaltic was du schikest·
wunderlicher dinge ân allen mein·
Fúr der himel dach dv blikest·
vnd dvrh der [WS 1] helle dilestein·
Heý wie dú mit kraft verzwikest·
din almehtekeit dú nie verswein·
Wan dv dich an vrhab strikest·
vnd an ende dringest vnder ein·
Din maiestat in einen knopf
driualt sich wirret vnd leit·
Ir vesten ewekeite zopf·
geflohten ist an vnderscheit·
Nv schenke vns in des herzen kopf·
der waren minne svͤssekeit·
Dv truͤge wilent grawen schopf·
dem ist ein ander schin bereit·
Jvncherre wis· dv were gris·
nv zieret dich ein brvner vahs·
do menschlich wart· din bilde zart·
do war sich vnder siden flahs·
Vns flos dar heim· din honges seim·
wan der barc sich in vnser wahs·
da von sin ort zeivngest dort·
Vns kere niht sin spizig sachs·
Vns sol helfen alremeist·
dc du [WS 2] menschlichú zeichen treist·
dir wab ein kleit der frone geist·
mit goͤtlichen kammen·
in der megde libe gůt·
warf vnd weuel wc ir mv̊t·
Aue dc wort alsam ein glůt·
begonde ir herze enpflammen·
das gab ir so heissen ruch·
dc si dich dvrh den selben spruch·
ze kinde enpfienc an allen brvch·
in ir vil kv́schen wammen·
Din grůs ir durh dú oren dranc·
der von des engels mvnde klanc·
da von dv lies an allen wanc·
si werden zeiner ammen·
Din gewalt· manicvalt·
der mahte nah ir kv́schem libe dich gestalt·
alsam nach einem glase dú svnne verwet sich·
swa si ganz· an allen schranz·
durh es geschinet da gelichet sich ir glanz·
sich also mâlte nach ir dú ivncfrowe dich·
wan ir mv̊t· rein vnd gv̊t·
nach hohem flîsse streich dir an fleisch vnd blůt·
ir edel herze alsam dú svnne luterlich·
wart ein schrin· da slos sich in·
svn vater vnd geist· doch wart eht vs in drin·
der svn gezeichent nach ir bilde wunneklich·
Din figure wart gestempfet·
in ir kúschen form insigel·
dc den tiefel vberkempfet·
der sich rimpfet als ein igel·
vnd in fúre lit verkrempfet·
siner heissen flammen tigel·
wolde vns han mit rǒch erdempfet·
do vieng in der sorgen rigel·
Got herre dur din heilig blůt·
dv́ súnde erlasch vnd ir geheý·
din ǒge vns arme hat behůt·
alsam der wilde strus sin ei·
des loͤwen welfer lebende tůt·
sin wuͤfen vnd sin geschrei·
also brach an dem krúze gůt·
des todes bant din růf enzwei·
Dv woldest sin vf erden gast·
vnd ein ellender pilgerin·
so dc zehimel niht gebrast·
der almehtigen sterke din·
geist vnd vater ane last·
beliben dvr des svnes pin·
vnd wc iedoch ir beider glast·
bi dir ein gotlicher schin·
Heý wc dv genaden leist·
an die sv́nde siechen·
wan dv liesse dinen geist
vs dem mvnde riechen·
do wart in gesvnt·
ir gemvͤte wunt·
din aten verlust genv̊g·
schv̊f dem helle more·
dc er in zetode slůg·
mit dem svͤssen trore·
der von im da gienc·
vnd den slangen vienc·
Das pantier ist dir gelich·
dc mit sinem smake·
manig svͤssekeite rich·
fuͤget dc der trake·
svnder wider strit·
tot von ime gelit·
also wart der helle wurn·
sige los gestreket·
ane kampfes wider stvrn·
do von ime gesmeket·
wart din aten ǒch·
der nach wunsche rǒch·
Dine wunden· vns enbvnden·
von des todes smerzen·
altú missewende gros·
wart vertrochen· do gestochen·
zv̊ dim edeln herzen·
wart ein sper scharpf vnd blos·
herre gůter· diner mv̊ter·
sinne svnder lǒgen·
wurden iamers vil gewert·
wan din marter· dranc vil harter·
dvr ir sele tǒge·
danne ein wol gesliffen swert·
Sich bewârte an dir dc wort·
dc ir seiten sýmeon·
do man rech der lanzen ort·
herre in dine siten fron·
dc si wart dar in gebort·
dc gêb vns so richen lon·
das vns zúg [WS 3] an heiles port·
dines grimmen endes don·
Hilf vns von dem wâge vnreine·
klebender sv́nden zv̊ dem stade·
dc vns iht ir agtsteine·
zúhen [WS 4] von gelúkes rade·
dinen svn den crucifixen·
heis vns leiden vs dem bade·
der vertanen wasser nixen·
dc vns ir gedoͤne icht schade·
Ich zel dich zv̊ dem swanen blank·
der an sim ende singet sank·
[384r] din schrei verdranc· sýrenen klanc·
der dones vanc· zegrvnde zoch der sv́nden kiel·
din helfe vns an dem slangen rach·
der vns den apfel essen sach·
von dir geschach ime vngemach·
dú gift zerbrach· in der sin valsch geschihte wiel·
Sin ǒge vns wc ein mordes bik·
den wider sach din [WS 5] strv̂sses blik·
an im den sik· nam sorgen strik·
din svn den rik· verschriet im vnd des mvndes giel·
Alsam dc hermlin den vnk·
verseren mac in siner tvnk·
altherre ivng· din gallen trunk·
lert in den sprvng· an dem er sich ze tode erviel·
Vs núwen súnden vns enbint·
din helfe wol gereinet hat·
von alten schulden dinú kint·
wan dv fúr vnser virne missetat·
wurde in den wag getúhet·
alsam der helfant mit genvht·
in wasser luterlich gevar·
enpfahet siner kinde fruht·
also enpfienc vns vnd wider gebar·
din tǒf der súnde schúhet·
Din heilig tǒ wart vns gesant·
dc gruͤne machet vnser hoͤi·
dv liesse ein roseriches lant·
vnd iltes her in vnser armes goͤi·
mit dornen wol gerúhet·
Man iagte dich vf kúsche gros·
als es dins vater minne enbot·
des sv̊chtest dv der megde schos·
alsam der wilde einhúrn in siner not
ze der ivncfrowen flúhet·
Din fron almehtekeit·
sterkú wort mit eweklicher stete·
barg sich in eren kleit·
dc wol zierent [WS 6] reiner tvgende [WS 7] nete·
dir wart an dich geleit·
magtv̊mlichú kúsche zeiner wete·
die dir din tohter sneit·
dú zekinde dich enpfangen hete·
Wilder schepfer wunderhaft·
ia gebar dich din geschaft·
vnd dú creatúre din·
dinen glanz verdahter ir schin·
dc mac wol ein wunder sin·
aller wunderlichen kraft·
dvrh sin tǒgenlich geberg·
slǒf ein rise in ein getwerc·
do din bilde almehteklich·
hal in kindes forme sich·
werkman hoh dv woldest dich·
lan verseren din antwerc·
Vns heilte diner wunden tǒ·
do dich vnser tot gerǒ·
den vns din zorn durh sv́nde brô·
dú tet alsam der pellican·
der sich wil gerúwen lan·
swc siner frúhte wirt getan·
der machet lebende siniv kint·
dú mit sinem blůte sint·
erkiket schiere an vnder bint·
also vertreib vns wernde not·
din blůt als ein rose rot·
do dich erbarmet vnser tot·
Wol dir himel fúrste·
das nach menschen heile·
din gemuͤte dúrste·
selde wart vns veile·
do der studen húrste·
wart ein fúr zeteile·
Si wart schone enpfenget·
von hize als ein zunder·
doch wart ir verhenget·
fúr ein kúnftig wunder·
dc vil vnbesenget·
stůnt ir lǒp dar vnder·
Da wart vns bezeichent an·
fúr ein wares mere·
dc din mv̊ter dich gewan·
svnder alle swere·
si beleib kúsche ane man·
vnde sv́nden lere·
do von dinem geiste enbran·
ir lib wunnebere·
Si vil svͤssú mvͤsse gar·
vns von hǒbet sv́nden loͤsen·
ir lop blvͤmen vnd roͤsen·
solten alle zvngen·
Ir lip truter· luter· var·
trůc dich her also zeherzen·
dc nie von dekeinem smerzen·
wart ir lib betwungen·
Hilf vns allen· wallen dar·
da mit richer engel doͤnen [WS 8]·
werde ein ewig pris der schoͤnen [WS 9]·
svnder zil gesvngen·
Tv̊ von swachen· sachen· bar [WS 10]·
vns vil armen vf der erden·
laz [WS 11] von dinen hulden werden·
niemer vns verdrvngen· amen·
Anmerkungen (Wikisource)
↑ Vorlage: dvrh.
↑ Vorlage: dc.
↑ Vorlage: zúch.
↑ Vorlage: zúhe.
↑ Vorlage: dineſ.
↑ Vorlage: zieret.
↑ Vorlage: tvgendē.
↑ Vorlage: doͤne.
↑ Vorlage: ſchoͤne.
↑ Vorlage: gar.
↑ Vorlage: lach.
VEnvs dú feine dú ist entslafen·
dú wilent hoher minne wielt·
des schrîet manig frowe wafen·
dú von ir helfe sich enthielt·
dc man ir svͤsse minne schúhet·
vnd ir vil minneklichen lip·
vnd aller froͤide sich enzúhet·
dur der vil argen herren [WS 1] kib·
Die lange sint· an minne blint·
vnd in dien reisen wol gesehent [WS 2]·
schúrf vnd schint· schaf vnd rint·
dc sint die minne die si spehent·
Her mars der rihset in dem lande·
der hat den werden got amvr·
verhert mit rǒbe vnd ǒch mit brande·
des sint die minne worden svr·
die man hie vor vil svͤsse erkande·
do riualis vnd flantschiflur·
vil kvmbers litten von ir bande·
nv wil der herre vnd der gebur·
Rǒb vnd brant vil gerne vͤben·
dan er die svͤssen minne tuo·
Dc mv̊s dú reinen wib betruͤben·
dú wol gebildet sint dar zv̊·
das man vil gerner solte minnen·
ir zuht ir ere ir werdekeit·
dan ein vil krankes gůt gewinnen·
sin vberkraft [384v] ist worden breit·
Den ich hie vor genennet han·
dc ist der leide strites got·
der froͤiden tor ist zů getan·
dur sin gewalteklich gebot·
Der frowen tanz ist hin geleit·
die schopen die sint worden wert·
fúr einen kranz man gerne treit·
ein beggelhuben oder ein swert·
In dirre witen werlde kreissen·
hat irre samen vns gesat·
ein frowe ist wendelmv̊t geheissen·
der fruht birt mangen valschen rat·
si kan den man dar vf wol reissen·
dc er vnbildes vil begat·
an armen kvͤien vnd an geissen·
vnd an dien lúten die man vat·
Gewalt ist vf der strasse michel·
gerihtes hat man sich verschamt·
dú reht stent krvmber dan ein sichel·
fride vnd genade sint erlamt·
des mv̊s der werlde minne túren·
vnd aller froͤide sin [WS 3] verzigen·
sit man den suͤssen got amv́ren·
an werdekeit hat vber stigen·
Des strites got· vnde sin gebot·
vil sere missehellen kan·
vil mangen man ir valscher rat·
bis vf den tot verleitet hat [WS 4]·
Dc schein dar an· do troie bran·
von der vil werde kúnic paris·
in krieges wis verlor den lip·
dc schv̊f discordia das wib·
Nv wera dich vil werder fúrste amvr·
ê dc man gar verdrvke dich·
Dv mache ir eteslichen iamers svr·
der von der minne zúhet sich·
sit dc dú werlt so gar verzwiuelt ist·
dc si dekeiner froͤide nimit war·
La schowen herre ob dv gewaltic bist·
dv mache dc si strites werden bar·
Vnd lip vf minne sezen·
dú vil hohgemvͤtes [WS 5] birt·
La dú wib ir leides ergetzen·
die an minnen sint verirt·
schús den pfil vnd ǒch die strale·
dú vil mangen hat verwunt·
verdrvke ir vil mit sender kale·
so wirt in div minne kvnt·
Swenne si ir striten lânt·
vnd der [WS 6] kriege abegant·
vnd den frowen bi gestant·
die vil svͤsser minne hant·
Ir riten·
ir striten·
wirt in gar vnmere·
div minne ir sinne·
berǒbet vil der swere·
ir liben· an wiben·
mit froͤiden mv̊s gelingen·
si kvnnen· vil wunnen·
mit hohgemvͤte bringen·
Venus vil werdú kúnigin·
wache ein frowe est an der zit·
din svn amvr der beitet din·
ir varent sament in den strit·
Wirf din fúr vnd ǒch din zvnder·
in ir herze mit gewalt·
die mit kriege stiftent wunder·
mache ir lip an minnen balt·
mit dien senden minne striken·
mache [WS 7] ir kvmber kvmberlich·
lasse ir herze in fúre erstiken·
bis dc si versinnen sich·
Das dú suͤsse minne git·
hohgemuͤte zaller zit·
vnd des froͤide machet wit·
der bi herze liebe lit·
So singent· vnd springent·
mit froͤiden ivnge vnd alte·
ir herzen von smerzen·
si scheidet mit gewalte·
die krenze· die swenze·
werdent vil genême·
die iôpen· die schopen·
dien lúten wider zeme·
Beide rǒp vnd brant·
wirt gestillet sa zehant·
So dú minne wirt bekant·
dú gewaltens ist gepfant·
Werden wib nv sint getroͤstet·
úwer sorge wirt wol rat·
dú minne noch vil manigen roͤstet·
der mit kriegen vmbe gat·
disen tanz hat iv gesvngen·
kv̊nze da von wúrzebvrc·
ir wúnschent dc von siner zvngen·
niemer rime gefliege lvrc·
Anmerkungen (Wikisource)
↑ Vorlage: hertē.
↑ Vorlage: geſehen.
↑ Vorlage: ſint.
↑ Vorlage: v̾leitet.
↑ Vorlage: hohgemvͤte.
↑ Vorlage: die.
↑ Vorlage: machen.
Nv git aber der suͤsse meie·
selde vnd ere maniger leie·
blv̊men rot gel vnd blanc·
dur dc gruͤne gras vf dringent·
da bi kleine vogel [WS 1] singent·
also froͤiderichen sanc·
dc dú heide erkrachet·
vnd der wunnekliche walt·
vs dem swarzen dorne lachet·
wîsse blůt vil manicvalt·
Wol dem manne der mit wibe·
disen svmer so vertribe·
dc er liebes wirt gewert·
heý wie dem sin leit verswindet·
wand er nach dem wunsche vindet·
alles des sin herze gert·
reiner wibe guͤte·
bc dan al des meien blv̊t·
froͤwet mannes gemvͤte·
wan si sint fúr truren gv̊t·
Swer sin herze welle entstricken [WS 2]·
vs den sorgen der sol bliken·
an dú reinen gv̊ten wib·
vinde er da niht selde vnd ere·
sone gesv̊che niemer mere·
froͤide an keiner stat sin lip·
wib sint ane lǒgen·
bernder wunne ein meien ris·
es lit vnder wibes ǒgen·
aller froͤiden paradýs·
Anmerkungen (Wikisource)
↑ Vorlage: kleinú vogelú.
↑ Vorlage: entſtrichē.
Maniger wunne bilde·
geschepfet hat·
meie mit der kúnfte sin·
seht wie [385r] dc gevilde·
gebluͤmet stat·
es git pfellelvarwen schin·
da bi bekleidet sich der walt·
der hat der lǒbe ein wunder·
svͤssen sanc darvnder·
vil manicvalt·
singent wol dv́ vogelin·
Svmer zit·
froͤide git·
vnd wunneklichen rat·
hei wc er nv froͤiden hat·
der liebe nahe lit·
Meie truren krenket·
vf richen lon·
dient im berg vnd tal·
vs der bluͤte klenket·
vil svͤssen don·
manic wilde nahtegal·
blawen viol gruͤnen kle·
die gelwen zitelosen·
vnd rote rosen·
vil schone als e·
siht man springen vber al·
Sumer zit·
froͤide git·
vnd wunneklichen rat·
hei wc er nv froͤiden hat·
der liebe nahe lit· [WS 1]
Wol im der nv minnet·
ein selic wib·
bi so maniger wunne gůt·
froͤiden vil gewinnet·
sin werder lip·
liep nv wol den herzen tůt·
swa dien ǒgen liehten schin·
die blvͤnden bǒme bringent·
vnd den oren singent·
dú vogellin·
da froͤit minne mannes mv̊t·
Svmer zit·
froͤide git·
vnd wunneklichen rat·
hei wc er nv froͤiden hat·
der liebe nahe lit· [WS 2]
Anmerkungen (Wikisource)
↑ Vorlage: Sum̾ ⁊c̾·
↑ Vorlage: Sum̾ ⁊c̾·
JArlanc vf der heide breit·
valwent liehte rosen rot·
das ist manigem herzen leit·
dc dvrh minne lidet not·
mannes sinne· nah der minne· deste me·
trurent da der kalte sne·
velwet blv̊men vnd kle·
Sendes herze wirt ermant·
herzeclicher vngehabe·
so der linden ir gewant·
valwet vnd riset abe·
sende swere· ein sendebere· vinden kan·
swenne enbloͤtzet sich der tan·
vnd die winde stôssent dran·
IR vil reinen gv̊ten wib·
lant úch vinden also gůt·
dc ir steten frúndes lib·
machet[WS 1] froͤiderichen mv̊t·
úwer guͤte· hohgemvͤte· bringen sol·
dem getrúwen manne wol·
der vil kvmbers von iv dol·
Anmerkungen (Wikisource)
↑ Vorlage: machēnt.
Jarlanc scheiden·
wil dú linde·
von ir kleiden· gruͤnen so geswinde·
dc si lǒbes ane wirt·
vf den heiden· von dem winde·
froͤide leiden· mv̊s dem ingesinde·
dc der sv̊sse meie birt·
die not min herze klaget·
niht so túre· sam die schulde·
dc mich húre· miner frowen hulde·
twinget vnd in truren iaget·
Ich geliche· mine frowen·
sicherliche· rosen in den ǒwen·
die der liehte meie lat·
wunnekliche· da betǒwen·
vnd in riche· varwe git dvr schǒwen·
dú doch schiere ein ende hat·
reht alsam der blv̊men schin·
vor dem walde· wirt gevelwet·
also balde truͤbet vnd selwet·
sich dú liebe frowe min·
IR vil svͤsse· werde minne·
leiden mvͤsse· mir noch vsse vnd inne·
so dc si zekeiner [WS 1] stunt·
truren buͤsse· minem sinne·
wand ir gruͤsse· tv̊nt mit vngewinne·
mich an wernder froͤide wunt·
ir lon ist iamers vol·
vnd ir ende· truric sere·
missewende bieten kan ir lere·
we dc ich ir dienen sol·
Anmerkungen (Wikisource)
↑ Vorlage: zekeinen̾.
Seht an die wunneklichen zit·
dú mit spilnder guͤte·
gelfe rosenhuͤte·
bringen aber sol·
dú heide in liehter varwe lit·
von des meien bluͤte·
froͤiderich gemvͤte·
zimet den ivngen wol·
zieren kan sich dc gevilde·
gruͤne sint berge vnd tal·
da dú liebe nahtegal·
vnd dú lerche wilde·
sanges ein vnbilde·
schellent vber al·
Meien blůt·
hohgemv̊t·
sendes herzen sinne minneklichen tůt·
Geblvͤmet schone stet der plan·
da von wil ich kosen·
vs der velse klosen·
brvnnen klingent da·
man siht dvrh gruͤnes gras vf gan·
gelwe zitelosen·
bi den roten rosen·
glentzent viol bla·
durh die swarze dorne lachet·
wissú blv̊t vil manicvalt·
die sehs varwe treit der walt·
der von doͤnen krachet·
vnd vs lǒbe machet·
kleider wol gestalt·
Meien blůt·
hohgemv̊t·
sendes herzen sinne minneklichen tůt·[WS 1]
So wol dem manne der nu si·
vro von wibes minne·
dem wirt vsse vnd inne·
wunnen vil bereit·
wan im der bernden bǒme zwi·
grůnet nach gewinne·
dc im sine sinne·
machet vil gemeit·
lieb nah herzeliebe denket·
vnd midet leiden pin·
so dú blůt ir gelfen schin·
sinen ǒgen schenket·
vnd dú lerche klenket·
in dc ore sin·
Meien blůt·
hohgemv̊t·
sendes herzen sinne minneklichen tůt·[WS 2]
Anmerkungen (Wikisource)
↑ Vorlage: Meiē blůt·
↑ Vorlage: Meien blůt ⁊c̾·
Svmer hinnen kere· mit sere· sin ere· swachen wil·
heide vnd anger worden sint vil vngemeit·
walt von sinem kleide· mit leide· nv scheide· blv̊men vil·
siht man valwen in der liehten ǒwe breit·
leides wunder· wil dar vnder· vns besvnder· tv̊n der winter hoͤne·
kranc sint sine loͤne· vil schoͤne· gedoͤne· stillet er·
dc betruͤbet [385v] maniges edeln herzen ger·
Swer nv fro belibe· von wibe· der tribe· truren hin·
vnd prise frowen fúr des meien blůt·
wib sint ane lǒgen· den ǒgen· vil tǒgen ein gewin·
der vil bas danne alle blv̊men drinne tůt·
wiblich trúten· kan betúten· liep den lúten· fúr der vogel schallen·
wib sint ane gallen· vns allen· enpfallen· sorge mv̊s·
durh der minneklichen reinen wibe grůs·
Ich wil minne grvͤssen· dú [WS 1] bvͤssen· ir svͤssen frúnde sol·
kvmber [WS 2] vnd seneliches vngemach·
minne mit ir stúre· gehúre· vil súre· svͤsset wol·
vnd machet herzeliebe truren swach·
wibes minne stoͤret sinne· mit gewinne· wil si froͤide meren·
minne dv́ mac leren· vil eren· ir seren· dienstman·
heilen si mit senfter arzenie kan·
Anmerkungen (Wikisource)
↑ Vorlage: din.
↑ Vorlage: kvm̾b̾.
Meie den gruͤnen walt·
hat bekleit·
gar mit siner guͤte·
dast wol schin·
zweie [WS 1] sich ivng vnd alt·
ane leit·
vs des bǒme bluͤte·
div vogellin·
singent sv̊ssen svmersank·
da bi siht man wunne me·
blv̊men rot gel vnd blanc·
dringent [WS 2] in tǒwe durh den gruͤnen kle·
Der meie machet· hohen mv̊t·
da bi truren swachet dú minne gůt·
Hoͤne der winter wc·
lieben kint·
nv siht man die heide·
geblvͤmet wol·
schoͤne lǒb vnd gras·
worden sint·
nieman sich mit leide·
nv binden sol·
wunneklicher varwe schin·
Hat dc velt[WS 3] an sich geleit·
swer mit zúhten froͤlich sin·
kvnne der si der lieben zuht gemeit·
Der meie machet· hohen mv̊t·
da bi truren swachet dú minne gůt· [WS 4]
Geilen sich werde man·
vnd wib·
minne ist ivngen lúten·
fúr truren gůt·
heilen ir helfe kan·
wunden lib·
herzekliches trúten·
sanfte tůt·
minne zwein gelieben git·
svͤssen wunneklichen rat·
so der walt gezieret lit·
inne mit lǒbe vnd er [WS 5] vil sanges hat·
Der meie machet· hohen mv̊t·
da bi truren swachet dú minne gůt· [WS 6]
Anmerkungen (Wikisource)
↑ Vorlage: zweiē.
↑ Vorlage: dꝛingē.
↑ Vorlage: dc.
↑ Vorlage: Der meie machet·
↑ Vorlage: ir.
↑ Vorlage: Der meie ⁊c̾·
JArlanc wil dú linde·
velwen sich geswinde·
von dem leiden kalten sne·
meien ingesinde·
durh die scharpfen winde·
truret iemerlich als ê·
da gevilde· wilde· stůnt geroͤset·
da ist froͤide eroͤset·
von dem anger loͤset·
rife blv̊men vnd kle·
Swer bi liebe lege·
liht er sich bewege·
der vil schonen Svmerzit·
spilnder froͤide er pflege·
wan sin herze trege·
wurde vf vngemvͤte wit·
liebes kv́nne· wúnne· kan gemeren·
...
ob des meien eren·
der vns liehte blv̊men git·
Man sol reine frowen·
fúr die blv̊men schǒwen·
sit in wont vil tvgende bi·
Wie mag in den ǒwen·
iemer blv̊t betǒwen·
dú fúr truren besser si·
sendem manne· danne· wibes minne·
si kan mit gewinne·
wundes herzen sinne·
machen aller sorgen fri·
Heide velt berg vnd tal·
sint gezieret vber al·
von der bǒme [WS 1] blvͤte·
stant si wol bekleit·
Hoͤrent wie dú nahtegal·
svͤsse doͤnet ane zal·
wan des meien guͤte·
machet si gemeit·
si kan singen lute als ê·
dc [WS 2] dú heide erkrachet·
manic blv̊me dvr den kle·
wol betǒwet ane we·
gegen der svnne lachet·
gar an vnderscheit·
Meien blv̊t· mannes lip·
froͤlich tv̊t· liebes wib·
troͤstet [WS 3] sinen mv̊t·
Meie wunnekliche zit·
vf dem liehten velde wit·
mit den blv̊men teilen·
aber schone wil·
swer nv liebe nahe lit·
heý wie der an allen strit·
kan mit froͤiden heilen·
sender wunden vil·
lieb von leide manigvalt·
sich bi liebe loͤset·
so gelǒbet stet der walt·
vnd dú heide wol gestalt·
schone lit geroͤset·
in ir wunne spil·
Meien blv̊t· mannes lip·
froͤlich tv̊t· liebes wib·
troͤstet sinen mv̊t· [WS 4]
Wib sint gv̊t svͤs vnd wis·
wib hant reiner tvgende pris·
nach ir minne tǒgen·
mannes herze qvilt·
wib sint heiles wunschelris·
aller froͤiden paradis·
vs ir liehten ǒgen
blvͤiet vnd spilt·
swen ir berndes minnezwi·
niht ergeilen kunne·
der ge sterben vnd si·
lebender froͤide vf erde fri·
wib hant alle wunne
mit troste vber zilt·
Meien blůt· mannes lip·
froͤlich tv̊t· liebes wib·
troͤstet sinen mv̊t· [WS 5]
Anmerkungen (Wikisource)
↑ Vorlage: bǒmē.
↑ Vorlage: dc dc.
↑ Vorlage: troͤſtēt.
↑ Vorlage: Meien blv̊t· ⁊c̾·
↑ Vorlage: Meiē blůt·
Schǒwent wie dú heide sich enpferwet·
liehte blv̊men vnd gras·
hant ir gelfen vnd ir wunneklichen schin verlorn·
in ein truͤbes kleit der walt sich gerwet·
der mit gruͤnem lǒbe was·
vmbevangen[WS 1][386r] húre blv̊te manic rose dorn·
der vil schone zierte dc gevilde·
nv sint sine lǒber val·
ir gedoͤne seltzen vnd wilde·
sanc dú liebe nahtegal·
dú fúr suͤsse stimme sendes truren hat erkorn·
Klage ein man niht lilien vnd rosen·
noh div kleinen vogellin·
der mit herzeliebe iarlanc spilnder wunne pfliget·
der vergisset wol der zitelosen·
swenne er bi dem trute sin·
nahe vnd wunnekliche dise lange Nehte liget·
im ist bas danne ob er viol breche·
wan sol wib fúr blv̊men loben·
swer niht wol getrúwen frowen spreche·
der wolte an im selben toben·
we dem manne der niht hohe wibes gvͤte wiget·
PRisen wir die minneklichen frowen·
fúr des liehten meien blv̊t·
vnd fúr der wilden kleinen[WS 2] vogelline sanc·
ir geberde ir lachen vnd ir schǒwen·
heilent minne siechen mv̊t·
bas danne alle blůmen schone rot gel vnd blanc·
wib sint besser danne vil gesteines·
oder silber vnd golt·
vf der erden wart nie niht so reines·
sam der svͤssen wibe solt·
Wol im der verschulden kan ir senften vmbevanc·
Anmerkungen (Wikisource)
↑ Vorlage: vnbevangen.
↑ Vorlage: kleine.
Jarlanc vrijet sich dú gruͤne linde
lǒbes vnd bluͤte gůt·
wunder guͤte blůt· des meien ê der werlte bar·
gerner ich durh liehte blv̊men linde·
húre in tǒwes fluͤte wůt·
danne ich wuͤte flůt· des rifen nv mit fuͤssen bar·
mir tv̊nt we die kůlen scharpfen winde·
swint· vertanes winter leit·
dur dc minem mv̊te sorge swinde·
wint· min herze ie kvme leit·
wand er kleiner vogellin froͤide nider leit·
Owe dc dú liebe mir niht dike·
heilet miner wunden fvnt·
ich bin fvnden· wunt· von ir· nv mache si mich heil·
sendes truren lanc breit vnd dike·
wirt mir zallen stvnden kvnt·
wil mir kvnden stunt· gelúkes so vinde ich dc heil·
dc si mich in spilnde [WS 1] froͤide kleidet·
leit· an mir niht lange wert·
ir gewant min vngemvͤte [WS 2] leidet·
kleit· nie wart so rehte wert·
so dú wat der mich dú herzeliebe danne wert·
Welt wilt du nv zieren dich vil schone·
so gib dinen kinden· wint·
der niht winden· kint· zvneren mvge dest min rat·
swer mit stete diene dir des schone·
hilf im sorge binden· vint·
die dich vinden· bint· si zv̊ dir gib in hordes rat·
reinú wib den rat· mein ich zegv̊te·
mv̊t· vnd zuht ist in gewant·
swen si kleident mit ir reinem mv̊te·
gv̊t· vnd edel dc gewant·
ist dar vmbe ich vs ir dienste mich noch nie gewant·
Anmerkungen (Wikisource)
↑ Vorlage: ſpilnder.
↑ Vorlage: gemvͤte.
Do dc liehte morgen rôt·
was dvrh den gruͤnen hag gedrungen·
vnd dú vogellîn [WS 1] svngen·
do rief ein wahter an der zinnen·
swer nach senelicher not·
An liebes herze lit betwungen·
dem [WS 2] si genv̊g gesvngen·
er wache vnd ile balde hinnen·
von liebe scheide er sich enzit·
dc dike leit dem frúnde git·
der im zelange bi gelit·
wil er niht von hinnen· balde keren·
so wil er verseren·
sin trut an eren vnd an sinnen·
Von der stimme ein frowe gv̊t·
begvnde iamer vnd truren·
in ir herze mvren·
si sprach zir frúnde vs rotem mvnde·
lieb getrúwes herzeblůt·
min trost ob allen nahgebvren·
froͤide mv̊s mir svren·
din scheiden seret mich zegrvnde·
dú minne ist wunderlich gemv̊t·
in úbel keret si dc gv̊t·
dc si zeliebe manigem tv̊t·
dc wirt an mir vil wol beweret·
mich hat dú sorge erveret·
nach froͤiden sweret mir dú stvnde·
Mit den worten vnd alsus·
zenander twungen sich mit leide·
dú gelieben beide·
der tac si not vnd angest lerte·
manigen herzesvͤssen kvs·
enpfiengens vf der minne weide·
dike an vnderscheide·
dar nah ir truren sich do merte·
der gast der gab den morgensegen [WS 3]·
lieb wart mit leide widerwegen·
ir hohgemvͤte wc gelegen·
zesorgen wart in der mv̊t gespannen·
froͤide in wart verbannen·
der ritter dannen [WS 4] trurig kerte·
Anmerkungen (Wikisource)
↑ Vorlage: vogellú.
↑ Vorlage: den.
↑ Vorlage: moꝛgē segen.
↑ Vorlage: dānan.
Ich sihe den morgen· sternen glesten·
rief ein wahter vberal·
swer nach sines herzen wal·
hie minne tǒgen· svnder lǒgen·
vf dem sal· der scheide sich enzit·
von liebe dc im nahe lit·
vil vnuerborgen· vf den esten·
manic wildú nahtegal·
lute doͤnet ane zal·
den tac vermelden· in den welden·
[386v] kan ir schal· da warne ich frúnde bi·
dvr dc in gah von minnen si·
e den palas erlúhte·
dc froͤlich morgen rot·
ein scheiden mich von liebe dúhte·
weger denne ein grimmeklicher tot·
dis merke ein ritter· dem zebitter·
al sin froͤide werden mag·
ob er langer vf den tac·
wil spulchen hinne· svͤsser minne·
swer gepflag der masse an liebe nie·
dem misselanc an minnen ie·
Ein frowe schoͤne· von der stimme·
sere vnd innekliche erschrac·
do si liebe nahe lac·
ir iamer wunde· gar zegrunde·
tiefe wag· dú reine sprach owe·
nv mv̊s ich truren aber als ê·
der minne loͤne· sint ze grimme·
wol ich dc erkennen mac·
wan ir froͤide ist mir ein slac·
sit ich dur dine· glanzen schine·
leider tac· vermiden sol min lieb·
dv were ie heiles dieb·
der min gelúke stôrte·
mit vnselden kvmberlich·
swenne ich den morgen nennen horte·
so verbarg min hohgemvͤte sich·
geselle reine· dem ich eine·
ganzer trúwe schuldic bin·
wache vnd ile von mir hin·
der tac vf dringet· vnd bringet·
leiden sin· der mich an liebe wunt·
wil machen vf des herzen grunt·
Dem ritter kvͤne· sorge entsperret·
wart von iamer inneklich·
zv̊ der schonen twanc er sich[WS 1]·
er sprach herze· bitter smerze·
leret mich· dc ich von sender not·
gelige an hoher wunne tot·
min froͤide gruͤne· wirt gederret·
mid ich vnd lasse dich·
herze troͤsterinne sprich·
wc sol min werden· vf der erden·
frowe ob ich zelange schúhen mv̊s·
dich vnd dinen werden grůs·
dv solt mir des gelǒben·
dc ich kvme din enbir·
vns wil der morgen froͤiden rǒben·
lege mich trut ein wenig naher dir·
an dinen armen· las erwarmen·
mich vil reine selig wib·
vnd twing ǒch dinen lip·
zv̊ minem herzen senden smerzen·
dv vertrip· vnd gib ein kv́ssen mir·
da mit scheide ich mich von dir·
Anmerkungen (Wikisource)
↑ Vorlage: er ſich twanc.
Heide mit kleide· zieret sich gar ane we·
wunnen me·
bringen vns der meie wil·
schoͤne· gedoͤne· singent vogellin als ê·
durh den kle·
dringet liehter blůmen vil·
walt dar vnder· wunder· lǒber an sich leit·
dc gevilde· wilde· rote rosen treit·
die sint maniges herzen spil·
Gruͤssen· mit svͤssen· doͤnen sol man aber die zit·
wan si git·
wunne vil an allen wanc·
minne die sinne· froͤit so dú heide wit·
schone lit·
wib nv machent truren kranc·
sendem manne· danne· wibes minne froͤide birt·
so der wase· grase· gruͤne tragende wirt·
blv̊men rot gel vnd blanc·
Schowen· die frowen· sol man fúr die rosen rot·
sende not·
buͤsset reiner wibe lib·
stúre gehúre· wibes minne ie manne gebot·
froͤide ist tot·
ane minneklichú wib·
dem niht schoͤne· loͤne· git der wibe trost·
...
wib sint mannes leit vertrib·
JArlanc wil dú heide· mit leide·
vrijen vnd enploͤzen sich·
liehter blv̊men wunneklich·
die der svͤsse meie kvnde bringen·
walt von dinem kleide· nv scheide·
gruͤner[WS 1] lǒber dv versprich·
des wil rife twingen dich·
vnd der sne mit angest bernden dingen·
lerche troͤschel nahtegal·
amsel vnd galander·
húre mit ein ander· wol svngen
die nv swigent vber al·
manigen froͤiderichen schal·
hat dv́ kalte winter zit verdrungen·
Swer mit lieben wiben· vertriben·
sol die langen winterzit·
hei wc dem wunnen git·
minne bi den herze svͤssen frǒwen·
wer mac von ir liben· geschriben[WS 2]·
wc an in gewinnes lit·
vnd froͤide an allen strit·
wan sol wib fúr liehte blv̊men schowen·
vnd fúr der vogel sanc·
wiblich kosen hoͤren·
got in sinen koͤren· zemv̊te
wc vil wol do sin gedanc·
reinú wib an allen wanc·
schv̊f dem man zeselden vnd zegv̊te·
Ich wil vmb ein lehen· nv flehen·
frowen húbesch vnd frůt·
dc ir edelú minne gv̊t·
argen herren als nv́tze werden mvͤsse·
sam ein stift der zehen· swer vehen·
kvnne tvgentrichen mv̊t·
dem werde iemer vor behv̊t·
hohgelopter wibe minne svͤsse·
swer niht ere[WS 3] meinen kan·
wie sol der geminnen·
reines wib mit sinnen· getrúwen·
wissent dc vnertic man·
lieb von grunde nie gewan·
wan sin trúten bringet leides rúwen·
Anmerkungen (Wikisource)
↑ Vorlage: gruͤne.
↑ Vorlage: geſchꝛibe.
↑ Vorlage: eren.
Milte zieret edeln mv̊t·
sam dc golt gesteine tůt·
milte laster vnd sv́nde stillet·
milte gúlte meren kan·
milte hoͤhet nidern man·
milte wol in wibes oren hillet·
der lúte gvnst dú milte kǒfet vnd gotes hulde·
wissent dc dú miltekeit·
hoher eren spiegel treit·
milte ist aller tvgende ein vbergulde·
Merke ein hohgeborne ivgent·
dc riliches herzen tvgent·
edelt bas danne alle frúnde vf erden·
swer von magen edel si·
der won edeler tvgende bi·
so mac vserwelt sin adel werden·
ein edelkeit von tvgenden vnd ein edelkeit von kv́nne·
swer die[WS 1] bi ein ander treit·
ane wandels gvnterfeit·
der hat aller eren hǒbet wunnne·
Anmerkungen (Wikisource)
↑ Vorlage: dú.
Zv̊ dem fvhs ein affe sprach·
frúnt min hinder hat kein tach·
gib da fúr dines zagels mir ein kleine·
der dir keget in den mist·
nein sprach er swie lange er ist·
ich wil in doch tragen alterseine·
ich tůn dir sam der karge tůt der in hor vnd in erden·
birget sine richen habe·
e dc er gebvͤsset drabe·
lâsse eim armen sinen kvmber werden·
Ein loͤwe einen spiegel kos·
da von wart er meisterlos·
wan er spurte an sines bildes krefte·
dc sin pfleger der in twanc·
schein da wider im zekranc·
des entweich er siner meisterschefte·
dis merke ein herre der nv sehe in eren spiegel sere·
ob er drinne erkennen mv́ge·
dc sin ratgebe im niht túge·
so versmahe er sine kranken lere·
Ich solt aber singen von den rosen rot·
vnd des meien guͤte·
der mit siner blvͤte· zieret wilden hag·
nv wil mich betwingen des ein ander not·
dc ich mit gedoͤne·
liehte blv̊men schoͤne· niht geprisen mag·
ich mv̊s strafen die verschamten richen tugendelosen·
die sich in der schande klosen· hant getan·
ich enwil niht kosen·
húre von den rosen vf dem[WS 1] gruͤnen plan·
Vs dem besten wine scharpfer essich wirt·
swenne er sich verkeret·
dv́ bischaft mich leret· dc ich wirde svr·
swie gv̊t ich erschine min gemvͤte girt
doch in argem willen·
herren kan ich villen· sam der wilde schur·
bǒme velwet vnd si betruͤbet ir genúhte·
io wise ich von eren frúhte kargen man·
zv̊ der schanden[WS 2] súhte·
sit ich miner zúhte niht geniessen kan·
Gernder man die kleinen gabe schelte niht·
die der milte biete·
der vil grosser miete· niht zegeben hat·
swer zerbrichet einen spiegel der gesiht·
in de stúkelinen·
ganze bilde schinen svs wirt vollú tat·
in der kleinen gabe erkant die von dem gůte spaltet·
des ein notig herre waltet· ganzen schin·
meslich gelt behaltet·
dc durh ere valtet sich in stúkelin·
Anmerkungen (Wikisource)
↑ Vorlage: den.
↑ Vorlage: ſchande.
Tǒ mit vollen· aber trúfet·
vf die rosen ane tuft·
vsser bollen· schone slúfet·
manger losen bluͤte kluft·
dar in senkent· sich dú vogellin·
dú gedoͤne lut erklenkent·
dc vil schone· kan gesin·
Bi der wúnne· wol mit eren·
sol sich kleiden mannes lip·
dc im kvnne· froͤide meren·
ein bescheiden selig wib·
swer verschulden wibes minne sol·
der mv̊s ringen· nach ir hulden·
mit vil dingen· tugende vol·
Swer mit sinne· valsch kan vͤben·
als ein dieplich nach gebur·
der wil minne so betruͤben·
dc ir lieplich lon wirt svr·
wan sol zwischen· minne mit genvht·
trúwe in glanzer· stete mischen·
dc birt ganzer froͤiden fruht·
JArlanc von dem kalten sne·
valwent blv̊men vnd kle·
me· siht man gruͤnes lǒbes in dem walde niht·
schowent wie der anger ste·
iemerlichen aber als ê·
we· manigem kleinen vogellin da von geschiht·
manicvalter sorgen schar·
twinget dc gevilde·
wilde· rosen lieht gevar·
sint verswunden alzegar·
bar· wunneklicher blvͤte man die bǒme siht·
Swer bi liebe svnder nit·
dise lange winterzit·
lit· der vergisset wol der svmerlichen tage·
wan im ane widerstrit·
minne hohgemvͤte wit·
git· vnd machet ringe sines herzen klage·
wibes minne meret bas·
froͤide sendem manne·
danne· kle von tǒwe nas·
wissent svnder allen has·
dc· wibes minne kvmber vnd leit veriage·
[387v] Wib sint gůt fúr vngemach·
wibes trost ie sorge brach·
swach· vnd kleine machet truren wibes lib·
wib sint lieber dinge ein tach·
dc man liebers nie gesach·
ach· got wie selig sint dú minneklichen wib·
wiplich gvͤte sanfte tůt·
man sol gůte frowen·
schowen· fúr des meien blůt·
wib sint gv̊tes vber gůt·
mv̊t· reiner wibe mag wol heissen leit vertrib·
Willekomen si dú zit·
vil wunneklich·
dú mit gelfen kleiden hat·
gezieret anger vn plan·
heide in liehter varwe lit·
si gestet sich·
mit rilicher svmer wat·
wan siht den walt gelǒbet stan·
da dú liebe nahtegal ir sanc·
lute doͤnet sunder[WS 1]
wunderlicher stimme klanc·
erhillet da·
blv̊men rot gel vnd bla·
siht man durh gruͤnes gras vf gan·
Froͤiwe sich ein selig man·
der minnen krenket aber als ê·
lieb nach liebe liebes gan·
von herzen wol·
vnd swendet sinú leit·
alsam dú svnne kalten sne·
swa des liehten meien blv̊t·
durh dv́ spilnden ǒgen
tǒgen lachet in den[WS 2] mv̊t·
da geilent wib·
minnegernder manne lip·
alsam dc tǒ den gruͤnen kle·
Anmerkungen (Wikisource)
↑ Vorlage: doͤnet.
↑ Vorlage: dem.
Jarlanc treit·
heide breit·
manige not vnd arebeit·
si was ane leit·
do si froͤide erstreit·
vnd rosen willeklichen bar·
gruͤne kleit·
vnd weit·
ir der liehte svmer sneit·
ane kvnterfeit·
die sint nv verseit·
ir von schedelicher noͤte gar·
si mv̊s horden· leides orden·
worden· ist ir húbescheit·
vnbereit·
wan si sneit·
rife durh die werdekeit·
dc man in vermeit·
vnd maniger streit·
nah ir blv̊men wunneklich gevar·
Herze min·
vogellin·
vnd glanze rosen fin·
la nv dulten [WS 1] pin·
vnd klage din·
selbes truren michel vnd stark·
tvgende schrin·
vmbe den rin·
stet vor dir beslossen· in
des torre vnd swin·
kv́nig salatin·
gab dvrh ere wilent manige mark·
nv wil schande· in maniger hande·
lande· volle komen sin·
kúnigin·
eren schin·
blichet [WS 2] als ein baldegin·
dc vernezet win·
tvgende widergrin·
worden ist nv manic herre karc·
Schanden gran·
vnd ir zan·
missezierent richen man·
dem ich wirde erban·
vnd im lobes niht gan·
dvr dc ie sin herze tvgende verswůr·
eren van·
von im dan·
snvrret wîsser danne ein swan·
er ist milte wan·
dv́ von im entran·
vnd zv̊ dem tvgentrichen fůr·
im zerate· gar zespate·
krate· des gelúkes han·
sit im kan·
haften an·
git der [WS 3] sich nie tvgende versan·
sit im zerran·
da dv́ selde span·
siner eweklichen wúnne snv̊r·
Anmerkungen (Wikisource)
↑ Vorlage: dultent.
↑ Vorlage: bliket.
↑ Vorlage: er.
Swer sich dar an stôsset·
dc dv́ milte kvnne geben·
gebresten vnd ein armes leben·
der ist ein gǒch·
swer si bescheidenlichen hat·
des gelt wirt erschoͤzet·
vnd mit eren vnderweben·
acker [WS 1] wisen vnd reben·
si meret ǒch·
rehte milte an gůte niht zergat·
als ellú wasser vs dem mer·
gewalteklichen giessent·
vnde drin aber fliessent·
also gat des milten er·
wider hein al durh dc iar·
dú rede ist war·
got gab ie gebender hende rat·
Anmerkungen (Wikisource)
↑ Vorlage: acher.
Ich pruͤue vnd kúse·
dc ein tvgende blinder man·
der nie liehten pris gewan·
vil ofte gert·
dvrh luterlicher wirde breit·
einer fledermúse·
wol ich den gelichen kan·
dú des nahtes flúget an·
ein glanzes swert·
da man es blos zen handen treit·
vnd snidet dran zetode sich·
swer luter lop wil ruͤren·
des er niht sol fuͤren·
dem wirt es so schedelich·
dc er dran verseret wirt·
vil schanden birt·
ein vn verdientiv werdekeit·
Swa tac erschinen sol·
zwein lúten die verborgen·
inne liebe stvnde mvͤssen tragen·
da mag verswinen [WS 1] wol·
ein trv́ten nie der morgen·
minne diebe kvnde buͤssen klagen·
er leret [WS 2] ǒgen weinen triben sinnen [WS 3] will
er wunne selten borgen·
swer meret tǒgen reine wiben minnenspil·
der kvnne schelten morgen·
Anmerkungen (Wikisource)
↑ Vorlage: v̾ſwindē.
↑ Vorlage: ert.
↑ Vorlage: ſinen ſinnē.
Winter vf der heide blv̊men selwet· der mit vroste velwet·
anger vnd walt·
loͤiber ab der linden· risent von den winden·
vnd lassent dúrre sich beschǒwen·
dise not en klage ich niht so túre· so dc aber húre·
schanden rife kalt·
twinget mangen boͤsen· der mit tvgende roͤsen·
solte sich in edeles herzen ǒwen·
der meie wider bringet blv̊men vnd loͤiber in dem hage·
so mv̊s der an eren iemer dorren· der sich hat verworren·
alle sine tage·
in der schanden strike· von der svnnen blike·
mac sin herze in tvgende niht betǒwen·
Maniger nv von siner tvgende gahet· der die schande enpfahet·
in dc herze sin·
da mit er bezeiget· dc er balde veiget·
vnd schiere tot nider stúrzet·
da von ich fúr mine frúnde erschrike· die mir wilent dike·
taten helfe schin·
vnd nv von eren drate wellent keren·
sam die zv̊ der flúhte sint geschúrzet·
ich fúrhte [389r] dc ir núwer sitte si niht lasse werden alt·
swa sich an geborne tvgent verwandelt· da wirt missehandelt·
sere an ir gewalt·
dv́ nature danne· so dc si dem manne·
leben vnd wirde balde kúrzet·
Wafen vber die schande si geschriêt· dú vil eren vriet·
alter vnd ivgent·
genv̊ge milte weren· ob die lasterberen·
niht zespotte brehten si mit schalle·
der siht man so vil vf allen strâssen· dc dvrh si mv̊s lassen·
maniger sine tvgent·
der nv fúrhtet sere· das man im verkere·
dc er lebe niht als die boͤsen alle·
der kargen manicvaltekeit stroͤret richer selden hort·
wil ieman zeherzen tvgende zvken· die mv̊s er verdrvken·
reht als einen mort·
vor den aller boͤsten· durh dc er der groͤsten·
vnd der meisten menge wol gevalle·
Wer aber ich ein herre vries mv̊tes· so wolt ich des gv̊tes
deste milter sin·
dc man vindet húte· me geschanter lúte·
danne gerter lebe in disen ziten·
trúwe vnd ere glentzent deste vaster· dc mein vnd laster·
gebent so truͤben schin·
ob die lúte vmbe ere· wurben alle sere·
wie moͤhte ieman danne lob erstriten·
dc arge bi dem gv̊ten erger vnd boͤser lúhten kan·
vnd dc gůte besser bi dem argen· da von ûz [WS 1] den kargen·
tvgendericher man·
kan vil schines bringen· als ûz [WS 2] kiselingen·
schone glissent edele margariten·
Anmerkungen (Wikisource)
↑ Vorlage: vnſ.
↑ Vorlage: alſus.
Einen kargen wilent des bevilte· dc ein man sich milte·
vnd eren vnderwant·
des kerte er zewalde· zeinem schacher balde·
den bat er dc er den milten slvͤge·
do sprach er solt er den man verhowen· so wolt er beschowen·
sinen lon zehant·
des bot der vnholde· drú pfunt im zesolde·
wand er fúnfe in sinem sekel truͤge·
do sprach der schacher so morde ich durh fúnfe lieber argen schalc·
danne ich vmbe drú den milten sere· din blv̊t ich verrere·
wan ich dinen balc·
hie zetode snide· swer den fromen nide·
den geschehe alsam das ist gefuͤge·
Wart ie besser iht fúr vngemvͤte· danne wibes guͤte·
des erkenne ich niht·
swc ein man verborge· leides vnd sorgen·
allen tag zeherzen hat geslossen·
dc kan im zenaht sin frowe bvͤssen· von ir werden suͤssen·
minnen lieb geschiht·
sinem senden libe· wol dem reinen wibe·
die niht hoher eren hat verdrossen·
dú túret vnd kroͤnet mit ir edelen tvgenden werden man·
swenne si mit spiegelliehten ǒgen· in gebliket tǒgen·
herzeklichen an·
vnd vs rotem mvnde· lachet im von grunde·
so hat in der selden tǒ begossen·
Das die milten also fruͤge sterbent· die nah prise werbent·
dc geschiht da von·
dc ir al zekvme· got in himels rume·
wil enbern zestetem ingesinde·
lange lat er si niht leben vf erden· dvrh dc si dort werden·
froͤiden vil gewon·
vnd er mit in schiere· sine koͤre ziere·
da man inne keinen boͤsen vinde·
wc solt ein tvgentloser boͤswiht in gotes himel tron·
er lat in den tot vil lange fliehen· dvrh dc im geziehen·
sol kein ander lon·
wan dc er mit schanden· lebe in sv́nde banden·
vnd dc in dú helle danne slinde·
Got herre ân anegenge vnd ǒch an ende almehtig got·
dv iemer froͤide gebender dinen lieben heiligen sabaoth·
lop si dir hohem gotte gesagt· vs al den sinnen min·
der vnzallichen eren vnd ǒch der hohen werdekeit·
die dv vs aller diner kraft mit voller wirde hast geleit·
vf die gelopten reinen magt· die edeln mv̊ter din·
al diner wisheit wunder werk dv hast volle braht an ir·
mit aller diner almehtekeit· nah aller diner gir·
dv hast si so erhoͤhet herre vber alle himel vnd erde wit·
dc si dir selbe froͤide vnd allen dinen lieben git·
Got herre was dv wunders an dir selben hast geschiket·
wie gar din vron almehtekeit mit kreften ist verzwiket·
dú sich hat verstriket· sere in der ewekeite din·
driualt in ein gedrvngen vnd einlich in drú geflohten·
bist dv der strik hat allen sin werlichen vbervohten·
nie gedanke moͤhten· gebrechen in die búnde sin·
svnder ende vnd ane vrsprvnc wc ie din lebende maiestat·
dú sich vnder mischet hat· mit drin personen [389v] vaste·
vnd ein got ist an vnderscheit bi drier bilde laste·
sich vlaht an ir ein driualt ris ie zeime ganzen aste·
der mit sime glaste· git endeloser wunne schin·
Almehtic schepfer den ich ob den kúnigen allen prise·
dú bist ein brvner ivngeling vnd ein alt herre grise·
der sich zeiner spise· git vns vil armen tegelich·
fleisch vnd blv̊t din vatterliches wort vmb vns ist worden·
dú beide niêssen wir durh waren cristenlichen orden·
sit die Jvden morden· begonden an dem krůze dich·
din lichame der wirt enpfangen svnder pin vnd ane schranz·
so dc er belibet ganz· vnd ane ser da entzwischen·
Mit siner wandelvnge wir die sieche sele erfrischen·
wir slahten osterliches lamp dich vf dien vronen tischen·
da zebrote mischen· din heilig lib beginnet sich·
Got wil zeivngest sinen tot verwîssen vns vil armen·
dvr dc wir in der helle mv̊ssen eweklich erwarmen·
dc la dich erbarmen· erwelte mv̊ter vs erkorn·
sin rotes blůt er vns zeschaden vor gerihte enbloͤsset·
des la von dinre brúste werden blanke milch gefloͤsset·
hei wie dc verstoͤsset· von vns da sinen grimmen zorn·
wie mac vngenade vns iemer von dime edelen svn geschehen·
so dv in last din brústel sehen· vnd er dich sine wunden·
er wart verseret vnd dv swanger durh der menschen sv́nden·
der liebe vrkv́nde sol vns dort vo leide tv̊n enbvnden·
so dc zallen stvnden· iht werde an vns sin tot verlorn·
Frowe aller froͤide ich lobe an dir dc dv den got gebere·
des tohter vnd des mv̊ter dv mit ganzer kv́sche were·
so dc dir niht swere· wc aller bvrden[WS 1] hǒbet last·
den dort der himel niht begreif noh hie das ert gerúste·
der wolte din gevangen sin mit vrier mv̊t gelúste·
wol der engen brúste· dar in sich barc der hohe gast·
des almehtikeit ist allen starken risen vbergros·
in din herze er sich beslos· menschlichen hie besvnder·
vnd wc zehimel samenthaft sin gotheit ie dar vnder·
sin wort bi dir zefleische wart durh sines geistes zvnder·
frowe durh dis wunder· nie riches lobes dir gebrast·
Vs rosen brennet man ein wasser so man dc gemeret·
vnd einen valschen tropfen anders wassers drin gereret·
sa zehant verkeret· sin varwe sich in truͤben schin·
dis wasser ich geliche wol rilicher eren fluͤte·
die man da brennet vs des[WS 1] edelen herzen tvgende[WS 2] blvͤte·
mit des fúres gluͤte· dc im dv́ scham enzúndet drin·
ere ist also luterlich geverwet vnd so rehte clar·
ob man so túre als vmb ein har· valschheite drvnder mischet·
dc ir dvrhlúhteklicher schin sich trvͤbet vnd erlischet·
mit gvnterfeite man si niht gemeret noch erfrischet·
ere den verwischet· der niht ir luter frúnt kan sin·
Anmerkungen (Wikisource)
↑ Vorlage: dē.
↑ Vorlage: tvgendē.
Der nît [WS 1] sin vas vil tvnkel verwet als ein bleich gehilwe·
swen [WS 2] er besizet des[WS 3] gemvͤte wont in leides gilwe·
sam dc har dú milwe· kan tǒgenlichen wol zerkivn [WS 4]·
svs kivwet er sin selbes nest der [WS 5] vppekliche trvret·
er machet dc dvrch froͤmde svͤssekeit ein herze svret·
darinne er vermvret· lit als ein made in einer schivn [WS 6]·
wissent dc ein nidig herze niemer růwe wirt gewar·
wan es sin gemvͤte gar· ze tode an froͤiden snidet·
durh das die werden vngelúke schúhet vnd midet·
wol im der has dvrh sine selde von dem argen lidet·
swen der boͤse nidet· der wirret sich in heiles riun [WS 7]·
Anmerkungen (Wikisource)
↑ Vorlage: niht.
↑ Vorlage: ſwēne.
↑ Vorlage: dc.
↑ Vorlage: zerkiven.
↑ Vorlage: das.
↑ Vorlage: ſchiven.
↑ Vorlage: riuen.
Ein frowe dú mit kv́sche vnstet vs ir gemvͤte rútet·
vnd si dc midet dc si doch gar innekliche trútet·
dú git vnd bútet ir libe grôsse meisterschaft·
mac si zetǒgenheite ir minnegernden sin verkeren·
so dc si mit geberden wil dekeinen man verseren·
so wirt si mit eren· an ir gemvͤte sigehaft·
es enkan hohklvnger niht kein lebende creatúre sin·
denne ein wib clar vnd fin· dú minneflamme dempfet·
vnd si dc hilt so dc nach ir kein wille si verkrempfet·
wol ir dú sus mit reinekeit sich selber ane kempfet·
dú leit vnd stempfet· in [390r] wiblich herze mannes kraft·
Vf erde nie kein man gesach so tǒgenliche klosen·
so wibes herze in dem dú minne lûsset ane kosen·
si kan mit ir losen· geberde ir frúnt beschachen wol·
ahý wie selekliche der mit froͤiden wirt gerichet·
der si vil reinen winkeldúpen vahet vnd erslichet·
dú der strasse entwichet· dur lage in gar ein enges hol·
vf den si den rǒp mv̊s lan den si verborgenlichen hilt·
swas si ir frúnden abe gestilt· dc si zeloche tvket·
dc wirt her wider vs von in gehelset vnd gedruket·
si giltet kvs mit kvsse dem si tǒgen hat gezuket·
swa sich lieb gesmvket· zv̊ liebe als es von rehte sol·
Zwelf schacher zeines túrsen [WS 1] hus in einem walde kamen·
der frâs er einlif svnder wer die schiere ein ende namen·
sit begvnder râmen· dasse alle wurden gar verzert·
do werte sich der zwelfte vnd wolte alsam ein helt gebaren·
do sprach der túrse [WS 2] dv enmaht nv keiner wer gevaren·
do din zwelfe waren· do soltest dv dich han gewert·
dem [WS 3] gelichet ein geslehte dc ein herre stoͤren wil·
dc enlasse sich niht vil· besvnder vnderzvken·
es wer sich mit ein ander sin swenne ers beginne drvken·
wil es sich einzelingen vnder sine fuͤsse smvken·
so wirt es in stvken zeivngest gar von im verhert·
Anmerkungen (Wikisource)
↑ Vorlage: túrſten.
↑ Vorlage: túrſte.
↑ Vorlage: dir.
Zwelf schacher zeines túrsen[WS 1] hus in einem walde kamen·
der frâs er einlif svnder wer die schiere ein ende namen·
sit begvnder râmen· dasse alle wurden gar verzert·
do werte sich der zwelfte vnd wolte alsam ein helt gebaren·
do sprach der túrse[WS 2] dv enmaht nv keiner wer gevaren·
do din zwelfe waren· do soltest dv dich han gewert·
dem[WS 3] gelichet ein geslehte dc ein herre stoͤren wil·
dc enlasse sich niht vil· besvnder vnderzvken·
es wer sich mit ein ander sin swenne ers beginne drvken·
wil es sich einzelingen vnder sine fuͤsse smvken·
so wirt es in stvken zeivngest gar von im verhert·
Anmerkungen (Wikisource)
↑ Vorlage: túrſten.
↑ Vorlage: túrſte.
↑ Vorlage: dir.
Genúhtig man an sippeschefte pruͤue· in dem sinne·
wie din getrúwer dienest vnd din lúterliche minne·
frunde genv̊g gewinne· die zv̊ dir in der noͤte traben·
ein trut geselle ist besser danne vil vnholder mâge·
da von dv flîsseklichen des mit dinem dienste lage·
der sich bi dir wage· so dich die sorge alvmbe graben·
ob er si gereinet dir so luter im ǒch dinen sin·
so dc dv dich wider in· vor allem meine schvmest·
den frúnt dv lange sv̊chest e dv zim den wer gerumest·
er wirt vnsanfte fvnden vnd behalten aller kvmest·
helfe dv versvmest· wilt dv niht gv̊ten frúnt behaben·
Hohvertig schalc· en mac niht lange rihsen bi gelúke·
wan er bescheidenlichen wil niht varen siner túke·
swer vf es gerúke· der si zerehter mâsse geil·
ist er ze vreuel vnd zedol er wirt vnfro gemachet·
den argen vnder ǒgen dc gelúke sv̊sse lachet·
dvr dc im geswachet· werd aller siner wunnen teil·
selden anegenge tvgent [WS 1] lôsem manne froͤide birt·
dem von erst gelúke wirt· vf die vlust gemeret·
dc er zeivngest werden kúnne gar von im [WS 2] verseret·
swer an dem ende wol gevert den hat vro selde geret·
so zestade keret· der marner· so lobe ich sin heil·
Anmerkungen (Wikisource)
↑ Vorlage: ivgent.
↑ Vorlage: in.
Ein húbescher hunt der spilte gegen sinem herren schone·
wan er sprang vf in vnd bal in svͤsser stimme done·
des wart er zelone von im gestreichet sa zestunt·
dc sach ein esel vnd wande im solte alsam gelingen·
da von er lvͤgende vf den herren ǒch begvnde springen·
des hies er in swingen von slegen wart sin rugge wunt·
svs entv̊t der edel niht d einen kvnstelosen schalk·
trútet dem er sinen balg· mit steken solte weichen·
dvr sin gebrehte kan er im riliche miete sleichen·
vnd wil gefuͤgen man durh kvnst en heine gabe reichen·
den er solte streiche· alsam der herre tet den hvnt·
IR edelen tvmben wes lant ir úch gerne toren triegen·
die mit ir valsche rilich gv̊t úch kvnnen abe erliegen·
sinnelose giegen· hant in ir herzen [WS 1] die vernvnst·
dc si den kúnsterichen stelnt ir rede vnd ir gedoͤne·
darvmbe si vil dike enpfahent hoher gabe loͤne·
der tieuel in gehoͤne· der vf si kere sine gvnst·
wer ich edel ich tete vngerne eime iegelichen toren lieb·
der die meister als ein dieb ir kv́nste wolte rǒben·
ein herre moͤhte wol erkennen blůmen vnder schǒben·
owe dc ich ir manigen sihe an witzen also tǒben·
dc er wil gelǒben· dc eigen si verstolnú kvnst·
Anmerkungen (Wikisource)
↑ Vorlage: h̾ze.
Ein ritter der niht wete habe von golde noch von siden·
der sol vs trúwen vnd vs manheit kleider an sich sniden·
so lat er sich liden· swa man die werden schǒwen sol·
er wirt dvrh sinen steten sin vnd dvr sin ellent geret·
da man des boͤsen wol bekleit mit purpur sich beheret·
dar get vnd keret der vrvme ane allen pfellol wol·
es en wart nie ritterlicher wat als edel noh so gůt·
so trúwe vnd manlich mv̊t· swem si zeherzen lege·
dem solt ein hoher kúnig sin mit gabe niht zetrêge·
[390v] mich dúhte reht dc er mit golde in túre widerwege·
dc er sin wol pflege· dc brelte im richer eren zol·
Mir ist ein loser hoveschalk· als ein kobolt von buhse·
ia wahset ein vnkústig wilt von wolf vnd ǒch von vuhse·
dc sich zeinem luhse· kan bilden schiere vnd alzehant·
dc selbe tier vnfrúhtig ist von arte es niht enkindet·
we dc der vngetrúwe alsam niht an geburt erwindet·
swa dú schande bindet man vnd wib sere in ir bant·
da wolte ich dc an ir svn erwunde ir [WS 1] beider kúnne gar·
ob er neme ir sittes war· vnd vf ir spor hie trete·
so were es wol dc sin geburt an ir den bresten hete·
da von im keme niemer kint dc im geliche tete·
so zergienge vnstete· dú valschen herzen ist bekant·
Anmerkungen (Wikisource)
↑ Vorlage: er.
Wie sol ich richen edelen schalk mit valschen mv̊t erweschen·
von kvpfer scheidet man das golt mit eines vnkes æschen·
hei dc miner taschen vil nah ein puluer nie gelag·
da mit ich gvldin adel schiede vs kupferinem willen·
we dc ein iderslange mag dvr herten cokodrillen·
vnd dc niht gebillen· min zvnge in arge sinne mag·
swas ich singe alder ich gesage der valschen richen edelen schar·
des nimet si zekleine war· ir mv̊t also vereinet·
an trúwen vnd an eren ist dc [WS 1] si niht tvgende meinet·
in korne wart ein kv́ndig wahtel nie so sanfte erbeinet·
als ir herze ersteinet· in schanden ist naht vnd tag·
Anmerkungen (Wikisource)
↑ Vorlage: da.
Des argen ore mvͤsse sin verwâssen vnd verduͤmet·
dc niht wil hoͤren da man tvgenderiche lúte ruͤmet·
swa dú reb sich bluͤmet· da flúhet dc gewúrme dan·
des wines blvͤte mag es niht gedrehen noch geliden·
also mv̊s erenblôsser schalk der vromen lob vermiden·
wan der boͤse [WS 1] niden· wil iemer tvgenderichen man·
bernder miltekeite bluͤte kargen herren gar bevilt·
tvgende spúrt er sam dc wilt· ein nasewiser drake·
doch mestet sich mit ir vngerne sines herzen bagge·
des flúhet er [WS 2] des milten lob als ein pantier der trake·
der von [WS 3] sinen smake· sin leben niht gevristen kan·
Anmerkungen (Wikisource)
↑ Vorlage: boͤſen.
↑ Vorlage: dir.
↑ Vorlage: voꝛ.
Mir ist als ich niht lebende si swenne ich entnvke sere·
da von den tot betútet mir der slaf mit siner lere·
bi der svnnen kere· bezeichent mir der [WS 1] schatte min·
dc im gelich zergat min leben ǒch wirt ich bi der hitze·
der helle ermant swenne ich in einer batstuben gesitze·
bi der blůmen glitze· spúr ich vnsteter blůmen schin·
in dem spiegel ich erkenne dc ich esche bin als er·
so kan mir ǒch der gerner· mit den gebeine kv́nden·
dc mich die wúrme nagende werdent mit vnreinen mv́nden·
wil ich da bi niht hvͤten mich vor allen hǒbetsv́nde·
in der helle grúnden· mv̊s ich an ende qvelnde sin·
So we mir tvmber das mich iemer langer tage verdrússet·
vnd miner iare vrist enweg [WS 2] so rehte balde schú̂sset·
dc ein bach niht flúzet· so drate vs velse noch vs hage·
ich wúnsche dike dc dú stvnde werde mir gekúrzet·
vnd ist si doch vf einen gehen lǒf also geschúrzet·
dc darinne erstúrzet· geswinde [WS 3] sich min lebetage·
ia klage ich min gelt dc ich verzer vnde klage niht minú zit·
die mir nieman wder git· swenne ich si gar verlúre·
vertet ich verne gůt ich mag gewinnen anders húre·
verswende ich aber minú iar dú sint mir iemer túre·
von dekeiner stúre· vertane [WS 4] zit ich wider beiage·
Anmerkungen (Wikisource)
↑ Vorlage: die.
↑ Vorlage: vnweg.
↑ Vorlage: beſwīde.
↑ Vorlage: v̾tanú.
Der mîssener hat sanges hort in sines herzen schrine·
sin don ob allen rêsen doͤnen vert in eren schine·
da mit er bi rine· die singer leit in sin getwanc·
in fůrten vbers leber mer der wilden grifen zwene·
da lerte in vnder wegen doͤne singen ein sýrene·
lebte noch elene von kriechen si seit im ir dank·
dvr sin adelliches doͤnen dc da klinget hoh enbor·
er get an der wirde vor smaragden vnd saphiren·
er doͤnet vor vns allen sam dú nahtegal vor giren·
wan sol ze sinem sange vf einem messetage viren·
alsvs kan ich liren· sprach einer der von eggen sang·
Vúr alle fůge ist edel sang getúret vnd geheret·
dar vmbe dc er sich von nihte breitet vnd meret·
ellú kvnst geleret· mac werden schone mit vernvnst·
wan dc nieman gelernen kan rede vnd gedoͤne singen·
dú beide mvͤssent von in selben wahsen vnd entspringen·
vs den herzen klingen· mv̊s ir begin von gottes gvnst·
ander fůge durfen alle rates vnd gezúges [391r] wol
swer si triben rehte sol· der mv̊s han das gerúste·
da mit er si vol ende nach der lúte můt gelúste·
son darf der sang niht helse wan der zvngen vnd der brúste·
svnder valsche akúste· get er da von vúr alle kvnst·
Dem adelarn von rome werdeklichen ist gelvngen·
wan er krinvogele ein wunder hat mit siner kraft betwungen·
er hat lob erswungen· durlúhtig luter vnd glanz·
hebch vnd valken twang er[WS 1] ze osterlanden vnd in stúre·
dc mag in púlle erschreken wol die rappen vnd die gire·
rvbine vil saphire· vil billich zierent sinen kranz·
sin gelúke vnd sine kraft entsitze swas nv wildes lebe·
es geswimme oder ob es swebe· ob dem kan er wol fliegen·
kein vogel kan vs allen landen wider in nv gekriegen·
sich mvͤste ein lewe vs behein vnder sine klawe smiegen·
er ist ane triegen· veste vnd an hohen eren ganz·
Anmerkungen (Wikisource)
↑ Vorlage: twāg.
Der biber ist rilicher vil danne genv̊ge herren schinen·
so man in iaget so kan er sich vf hohe milte pinen·
dvr dc im verswinen· sorge vnd er habe zerflúhte pfliht·
er bîsset abe sin geil vnd lat es vallen zeiner miete·
vúr dc man in niht sv̊che mer in holze noch in riete·
we der edeln diete· dú niht an sine tvgende siht·
swen des gernden kvmber iage darvf er sich versinne wol·
dc er milteklichen zol· verrere an den geiegde·
ê man beginne sv̊chen in mit lastlicher klegde·
zen eren fliehe er sam der wilde ein húrne zeiner megde·
dvr ein krank getregde· laze er sich schande vahen niht·