Lyrik

Heinrich von Veldeke
Exportiert aus Wikisource am 27. Juni 2022
Heinrich von Veldeke
[[Bild:|220px]]
Heinrich von Veldig, Heinrich von Veltkilchen, Heinrich von Veldegge, Hendrik van Veldeke
* um 1150 in Hasselt
† nach 1184 in Freiburg im Breisgau
Dichter, Minnesänger
Artikel in der Wikipedia
Bilder und Medien bei Commons
Zitate bei Wikiquote
GND-Nummer 11854845X
WP-Personensuche, SeeAlso, Deutsche Digitale Bibliothek
DNB: Datensatz, Werke
Werke
Texte
Es ſint guͤtú núwe mere (Codex Manesse, Blatt 30v)
Es sint guͤtú núwe mere (Codex Manesse, Blatt 30v)
Mir hete wilent zeiner ſtvnde (Codex Manesse, Blatt 30v)
Mir hete wilent zeiner stvnde (Codex Manesse, Blatt 30v)
Swer mir ſchade an miner frǒwen (Codex Manesse, Blatt 30v)
Swer mir schade an miner frǒwen (Codex Manesse, Blatt 30v)
Triſtan mvͤſe ſvnder ſinen dank (Codex Manesse, Blatt 30v)
Tristan mvͤse svnder sinen dank (Codex Manesse, Blatt 30v)
Die mich darvmbe wellen niden (Mit originalen Lettern) (Codex Manesse, Blatt 30v)
Die mich darvmbe wellen niden (Mit aufgelösten Abbreviaturen) (Codex Manesse, Blatt 30v)
In dem ziten voꝛ dem iêre (Codex Manesse, Blatt 30v)
In dem ziten vor dem iêre (Codex Manesse, Blatt 30v)
Ich wil frô ſin durch ir êre (Codex Manesse, Blatt 30v und 31r)
Ich wil frô sin durch ir êre (Codex Manesse, Blatt 30v und 31r)
Jn den ziten da die roſen (Codex Manesse, Blatt 31r)
In den ziten da die rosen (Codex Manesse, Blatt 31r)
Der blideſchaft ſvnder rúwe hat (Codex Manesse, Blatt 31r)
Der blideschaft svnder rúwe hat (Codex Manesse, Blatt 31r)
Dv́ welt iſt der lihtekeite (Codex Manesse, Blatt 31r)
Dv́ welt ist der lihtekeite (Codex Manesse, Blatt 31r)
Des bin ich getroͤſtet iemer mere (Codex Manesse, Blatt 31r)
Des bin ich getroͤstet iemer mere (Codex Manesse, Blatt 31r)
Do man der rehten minne pflag (Mit originalen Lettern) (Codex Manesse, Blatt 31r)
Do man der rehten minne pflag (Mit aufgelösten Abbreviaturen) (Codex Manesse, Blatt 31r)
Die man ſint nv niht frůt (Codex Manesse, Blatt 31r)
Die man sint nv niht frůt (Codex Manesse, Blatt 31r)
Swer ze der minne iſt ſo frůt (Codex Manesse, Blatt 31r)
Swer ze der minne ist so frůt (Codex Manesse, Blatt 31r)
Man ſeit al fúr war (Codex Manesse, Blatt 31r)
Man seit al fúr war (Codex Manesse, Blatt 31r)
Do ſi an dem riſe (Codex Manesse, Blatt 31r)
Do si an dem rise (Codex Manesse, Blatt 31r)
Jn dem aberellen (Codex Manesse, Blatt 31r)
In dem aberellen (Codex Manesse, Blatt 31r)
Moͤht ich erwerben (Mit originalen Lettern) (Codex Manesse, Blatt 31r)
Moͤht ich erwerben (Mit aufgelösten Abbreviaturen) (Codex Manesse, Blatt 31r)
Got ſende ir zemv̊te (Codex Manesse, Blatt 31r)
Got sende ir zemv̊te (Codex Manesse, Blatt 31r)
Si iſt ſo gv̊t vn̄ ǒch ſo ſchoͤne (Codex Manesse, Blatt 31r und 31v)
Si ist so gv̊t vnd ǒch so schoͤne (Codex Manesse, Blatt 31r und 31v)
Gern het ich mit ir gemeine (Mit originalen Lettern) (Codex Manesse, Blatt 31v)
Gern het ich mit ir gemeine (Mit aufgelösten Abbreviaturen) (Codex Manesse, Blatt 31v)
Es tv̊nt dú vogelin ſchin (Codex Manesse, Blatt 31r)
Es tv̊nt dú vogelin schin (Codex Manesse, Blatt 31v)
Es habent die kalten nehte getan (Mit originalen Lettern) (Codex Manesse, Blatt 31v)
Es habent die kalten nehte getan (Mit aufgelösten Abbreviaturen) (Codex Manesse, Blatt 31v)
Die noch nie wurden verwunnē (Codex Manesse, Blatt 31v)
Die noch nie wurden verwunnen (Codex Manesse, Blatt 31v)
Man darf den boͤſen niht ſv̊chen (Codex Manesse, Blatt 31v)
Man darf den boͤsen niht sv̊chen (Codex Manesse, Blatt 31v)
Dú zit iſt verclaret wal (Codex Manesse, Blatt 31v)
Dú zit ist verclaret wal (Codex Manesse, Blatt 31v)
Alſe dú vogel froͤliche (Codex Manesse, Blatt 31v)
Alse dú vogel froͤliche (Codex Manesse, Blatt 31v)
Der ſchone ſvmer get vns an (Codex Manesse, Blatt 31v)
Der schone svmer get vns an (Codex Manesse, Blatt 31v)
Dú ſchone dú mich ſingen tv̊t (Codex Manesse, Blatt 31v)
Dú schone dú mich singen tv̊t (Codex Manesse, Blatt 31v)
Die minne bit ich vn̄ man (Codex Manesse, Blatt 31v)
Die minne bit ich vnd man (Codex Manesse, Blatt 31v)
Dú minne betwang ſalomone (Codex Manesse, Blatt 31v)
Dú minne betwang salomone (Codex Manesse, Blatt 31v)
Schonú woꝛt mit ſvͤſſem ſange (Codex Manesse, Blatt 31v)
Schonú wort mit svͤssem sange (Codex Manesse, Blatt 31v)
Jr ſtvͤnde bas das ſi mich troſte (Codex Manesse, Blatt 31v)
Ir stvͤnde bas das si mich troste (Codex Manesse, Blatt 31v)
Swenne dú zit alſo geſtat (Codex Manesse, Blatt 31v und 32r)
Swenne dú zit also gestat (Codex Manesse, Blatt 31v und 32r)
Die da wilent hoͤrent minen ſang (Codex Manesse, Blatt 32r)
Die da wilent hoͤrent minen sang (Codex Manesse, Blatt 32r)
Swenne ich bi der vil wolgemv̊ten bin (Mit originalen Lettern) (Codex Manesse, Blatt 32r, gilt als Pseudo-Veldeke)
Swenne ich bi der vil wolgemv̊ten bin (Mit aufgelösten Abbreviaturen) (Codex Manesse, Blatt 32r)
Wan ſol den vꝛowen dienen vn̄ ſpꝛechē (Codex Manesse, Blatt 32r, gilt als Pseudo-Veldeke)
Wan sol den vrowen dienen vnd sprechen (Codex Manesse, Blatt 32r)
Swer den frǒwen an ir ere (Mit originalen Lettern, Veldeke) (Codex Manesse, Blatt 32r, gilt als Pseudo-Veldeke)
Swer den frǒwen an ir ere (Mit aufgelösten Abbreviaturen, Veldeke) (Codex Manesse, Blatt 32r)
Manigem herzen tet der kalte winter leide (Mit originalen Lettern, Veldeke) (Codex Manesse, Blatt 32r, gilt als Werk des Ulrich von Lichtenstein, Pseudo-Veldeke)
Manigem herzen tet der kalte winter leide (Mit aufgelösten Abbreviaturen, Veldeke) (Codex Manesse, Blatt 32r)
Min ſendes denken (Codex Manesse, Blatt 32r, gilt als Werk des Ulrich von Lichtenstein, Pseudo-Veldeke)
Min sendes denken (Codex Manesse, Blatt 32r)
Selig ich w̾e (Codex Manesse, Blatt 32r, gilt als Werk des Ulrich von Lichtenstein, Pseudo-Veldeke)
Selig ich were (Codex Manesse, Blatt 32r)
Wol mich der ſinne (Codex Manesse, Blatt 32r, gilt als Werk des Ulrich von Lichtenstein, Pseudo-Veldeke)
Wol mich der sinne (Codex Manesse, Blatt 32r)
Editionen
Heidelberg, Universitätsbibliothek, Cpg 848, Bl. 30r, 30v, 31r, 31v und 32r, Digitalisat UB Heidelberg, UB Heidelberg, UB Heidelberg, UB Heidelberg und UB Heidelberg
Die alte Heidelberger Liederhandschrift, Seite 191 ff. unter Heinrich von Veltkilchen
Digitales Faksimile der Bodmer-Handschrift
E-Text Eneide (Bibliotheca Augustana)
E-Text der Servatiuslegende (TITUS)
Sekundärliteratur
Richard Moritz Meyer: Heinrich von Veldeke. In: Allgemeine Deutsche Biographie (ADB). Band 39. Duncker & Humblot, Leipzig 1895, S. 565–571
Gabriele Schieb: Henric van Veldeken. = Heinrich von Veldeke (= Sammlung Metzler 42, ISSN 0558-3667). Metzler, Stuttgart 1965
Gabriele Schieb: Heinrich von Veldeke. In: Neue Deutsche Biographie (NDB). Band 8, Duncker & Humblot, Berlin 1969, ISBN 3-428-00189-3, S. 428 f. MDZ München
Ludwig Wolff, Werner Schröder: Heinrich von Veldeke. In: Kurt Ruh et al. (Hrsg.): Die deutsche Literatur des Mittelalters. Verfasserlexikon. Band 3. 2., völlig neu bearbeitete Auflage. Bd. 3. de Gruyter, Berlin u. a. 1981, ISBN 3-11-008778-2, Sp. 899–918
Thomas Klein: Heinrich von Veldeke und die mitteldeutschen Literatursprachen. Untersuchungen zum Veldeke-Problem. In: Thomas Klein, Cola Minis: Zwei Studien zu Veldecke und zum Strassburger Alexander (= Amsterdamer Publikationen zur Sprache und Literatur. Bd. 61). Rodopi, Amsterdam 1985, ISBN 90-6203-687-2, S. 1–121
Hans Fromm: Die mittelalterlichen Eneasromane und die Poetik des ordo narrandi. In: Harald Haferland, Michael Mecklenburg (Hrsg.): Erzählungen in Erzählungen. Phänomene der Narration in Mittelalter und Früher Neuzeit (= Forschungen zur Geschichte der älteren deutschen Literatur. Bd. 19). Fink, München 1997, ISBN 3-7705-3151-5, S. 27–39
Frank Willaert: Heinrich von Veldeke und frühe Minnesang. In: Thomas Cramer; Ingrid Kasten (Hg.): Mittelalterliche Lyrik. Probleme der Poetik, Berlin 1999, S. 33–56
Renate Schipke: Heinrich von Veldeke: Eneasroman. In: Peter Jörg Becker, Eef Overgaauw (Hrsg.): Aderlass und Seelentrost. Die Überlieferung deutscher Texte im Spiegel Berliner Handschriften und Inkunabeln (= Staatsbibliothek Berlin. Ausstellungskataloge. NF Bd. 48). von Zabern, Mainz 2003, ISBN 3-8053-3154-1, S. 62–65
Meinolf Schumacher: Einführung in die deutsche Literatur des Mittelalters. Wissenschaftliche Buchgesellschaft, Darmstadt 2010, ISBN 978-3-534-19603-6, S. 65–69
Joachim Hamm, Marie-Sophie Masse: Aeneasromane. In: Geert H. M. Claassens, Fritz Peter Knapp, Hartmut Kugler (Hrsg.): Germania Litteraria Mediaevalis Francigena. Bd. IV: Historische und religiöse Erzählungen. De Gruyter, Berlin / New York 2014, ISBN 3-1102-2975-7, S. 79–116
Weblinks
Heinrich von Veldeke, Abriss zu Leben und Werk (Mediaevum.de)
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.
Es sint guͤtú núwe mere·
dc die vogel offenbere·
singent da man die blůmen siet·
ze den ziten in dem iære·
stvͤnde wol das man vro were·
leider des enbin ich niet·
min tvmbes herze mich verriet·
dc mv̊s vnsanfte vnd swere·
tragen dc leit das mir beschiet·
Dú schoͤnste vnd dú beste frǒwe·
zwischen dem rotten vnd der sǒwe·
gab mir blideschaft hie bevorn·
das ist mir komen al ze rǒwe·
von tvmbheit vnd von trǒwe·
das ich ir hvlde han verlorn·
die ich ze der besten hat erkorn·
oder in der welte ieman schǒwe·
noch sere fúrht ich ir zorn·
Alzehohe minne·
brâhten mich vs dem sinne·
do ich ir ǒgen vnd mvnt·
sach wol sten vnd ir kinne·
do wart mir das herze en binne·
von suͤsser tvmbheit wnt·
dc mir wisheit wart vnkvnt·
des bin ich wol worden inne·
mit schaden sit ze maniger stvnt·
Das úbel wort si verwâten·
das ich nie kvnde verlâten·
do mich betrǒg min tvmber wan·
der ich was gerende vs der mâten·
ich bat si in der caritaten·
das si mich mvͤs al vmbe van·
so vil het ich niht getan·
dc si ein weninc vs straten·
dvr mich zevnrehte wolte stan·
Mir hete wilent zeiner stvnde·
so wol gedienet ein man·
das ich im wol gv̊tes gvnde·
des ich im nv niht gan·
sit dc er den mv̊t gewan·
das er an mich eischen begvnde·
des ich im bas verzihen kan·
denne er es vmbe mich gewerben kvnde·
Ich wande das er houesch were·
dar vmb wc ich im holt·
dc rede ich nv wol offenbere·
des ist er von mir vn verscholt·
des hab ich gv̊t gedolt·
sin schade der ist mir vnmere
er iesch al ze richen solt·
des ich von im doch wol enbere·
Er gerte al ze vngefuͤger minne·
an mir der vant er niet·
das wisse er sinem kranken sinne·
das im sin tvmpheit so geriet·
swc schaden im da von geschiet·
des mac er wol werden inneṇ·
das er sin spil niht wohl beschiet·
er brichet ê· das ers gewinne·
Swer mir schade an miner frǒwen·
dem wúnsche ich des rises·
dar an die diebe nement ir ende·
swer min dar an schone mit trǒwen·
dem wúnsch ich des paradýses·
vnd valde im mine hende·
vrâg ieman wer si si·
der bekenne si da bi·
es ist dú wolgetane·
genade frǒwe mir·
der svnnen gan ich dir·
so schine mir der mane·
Swie min not gefuͤger were·
so gewnne ich liep nach leide·
vnd froͤide manicvalde·
wan ich weis vil liebú mere·
die blv̊men entspringent an der heide·
die vogel singent in dem walde·
da wilent lag der sne·
da stat nv gruͤner kle·
er tǒwet an dem morgen·
swer nv welle der froͤiwe sich·
nieman noͤt es mich·
ich bin vnledic von sorgen·
Tristan mvͤse svnder sinen dank·
stete sin der kúniginne·
wan in der poýsvn dar zv̊ twanc·
mere dan dú kraft der minne·
des sol mir dú gůte danc·
wissen das ich solken tranc·
nie genam vnd ich si doch minne·
bas danne er vnd mac das sin·
wol getane·
valsches ane·
la mich wesen din·
vnd bis dv min·
Sit dú svnne ir liehten schin·
gegen der kelte hat geneiget·
vnd dú cleinen vogellin·
ir sanges sint gesweiget·
truric ist das herze min·
ich wenne es wil winter sin·
der vns sine craft erzeiget·
an dien blv̊men die man siht·
in liehter varwe·
erblichen garwe·
da von mir beschiht·
leit vnd anders niht·
Die mich darvmbe wellen niden·
das mir leides iht geschiet·
das mac ich vil sanfte liden·
noch mine blideschaft vermiden·
vnd wil dar vmbe niet·
gevolgen den vn bliden·
da nach das si mich gerne siet·
dú mich dvr die rehten minne lange pine doln liet·
IN dem ziten vor dem iêre·
das die tage sint lanc·
vnd das weter wider clere·
so vernúwet offenbere·
dú merlin ir sanc·
die vns bringent liebú mere·
got mag er sin wissen danc
swer hat rehte minne svnder rúwe vnd ane wanc·
Ich wil frô sin durch ir êre·
dú mir das hat [31r] getan·
das ich von der rúwe kere·
dú mich wilent irte sere·
das ist mich nv so vergan·
das ich bin rich vnd gros here·
sit ich si mvͤste al vmbe van·
dú mir gab rehte minne svnder wig vnd wan·
IN den ziten da die rosen·
erzeigeten manig schoͤne blat·
so flůht man den froͤidelosen·
die ruͤgere sint an maniger stat·
dur das wan si der minne sint gehas·
vnd die minne oͤsen·
von den boͤsen·
scheide vns got wc schat im das·
Der blideschaft svnder rúwe hat·
mit eren hie der ist riche·
das herze da dv́ rúwe inne stat·
das lebet iemerliche·
er ist edel vnd frv̊t·
swer mit eren·
kan gemeren·
sine blideschaft das ist gv̊t·
Dv́ welt ist der lihtekeite·
alzeruͤmeclichen balt·
harte kranc ist ir geleite·
dc tůt der minne gewalt·
die losheit die man wilent schalt·
dú ist vn uersvmet·
wol gervmet·
sint ir wege manigvalt·
Des bin ich getroͤstet iemer mere·
das mich die nidigen niden·
nit vnd elliv boͤsú lere·
das mvͤsse in das herze versniden·
so das si sterben vnd dest ê·
mit den bliden·
wil ichs liden·
swie es mir darvmbe erge·
Do man der rehten minne pflag·
do pflag man ǒch der eren·
nv mag man naht vnd tag·
die boͤsen sitte leren·
swer dis nv siht vnd îens do sach·
owe was der nv clagen mag·
tvgende went sich nv uerkeren·
Die man sint nv niht frůt·
wan si die frowen schelten·
ǒch sint si da wider gv̊t·
das si in es niht wol vergelten·
swer das schiltet der tv̊s·
da er sich bi genern mv̊s·
der pruͤfet melden die gedihent selten·
Swer ze der minne ist so frůt·
das er der minne dienen kan·
vnd er dvrch minne pine tv̊t·
wol im derst ein selig man·
von minne kvmt vns alles gv̊t·
dú minne machet reinen mv̊t·
was sold ich svnder minne dan·
Ich minne die schonen svnder dank·
ich weis wol ir minne ist clar·
ob miniv minne ist kranc·
so wirt ǒch niemer minne war·
ich sage ir miner minne dank·
bi ir minne stat minisank·
erst tvmb swers niht gelǒbet gar·
Man seit al fúr war·
manig iar·
dú wib hassen grawes har·
das ist mir swar·
vnd ist ir misse pris·
dú lieber hat ir amis·
tvmb danne wis·
Dest me noch dest min·
das ich gra bin·
ich hasse an wiben kranken sin·
das si núwes zin·
nement fúr altes golt·
si iehent si sin den ivngen holt·
dvrh vngedolt·
Do si an dem rise·
die blůmen gesahen·
bi den blaten springen·
do waren si riche·
ir manigvalten wise·
der si veriahen·
si hv̊ben ir singen·
lute vnd vroͤliche·
nider vnd ho·
min mv̊t stat also·
dc ich wil wesen vro·
reht ist das ich min gelúke prise·
IN dem aberellen·
so die blůmen springen·
so lǒben die linden·
vnd grvͤnen die bůchen·
so haben ir wellen·
da die vogel singen·
wan si minne vinden·
alda si si sv̊chen·
reht an ir genos·
wan ir blidescaft ist gros·
der mich nie verdros·
doch si ir singen an den winter stellen·
Moͤht ich erwerben·
miner frowen hvlde·
koͤnde ich die gesv̊chen·
als es ir gezeme·
ich sol verderben·
al von miner schvlde·
sine wolte růchen·
das si von mir nême·
bv̊sse svnder tot·
vf genade vnd dvr not·
wan es got nie gebot·
Das dehein man gerne solte sterben·
Got sende ir zemv̊te·
das si es meine ze gv̊te·
wan ich vil gerne behv̊te·
das ich ir iht spreche zeleide·
vnd iemer von ir gescheide·
mich bindent so vaste die eide·
minne vnd trúwe beide·
des fúrhte ich si als das kint die růte·
Si ist so gv̊t vnd ǒch so schoͤne·
die ich nv lange han gelobt·
solt ich ze rome tragen die crone·
ich sastes vf ir hopt·
maniger spreche seht er tobt·
got gebe das si mir lone·
wan ich tete ich weis wol wie·
lebt si noch als ich si lie·
so ist si dort vnd bin ich hie·
Si tet mir dos mir sin gvnde·
vil zeliebe vnd ouch zegv̊te·
das ich noch zeteslicher [31v] stvnde·
singe so mir sin wirt ze mv̊te·
sid ich sach das si die hv̊te·
so betriegen kvnde·
sam der hase tůt den wint·
so gesorget ich niemer sint·
vmb mines svnes tohter kint·
Gern het ich mit ir gemeine·
tvsent marke swa ich wolde·
vnd einen schrin von golde·
dan ich von ir wesen solde·
verre siech arm vnd eine·
des sol si sin von mir gewis·
das dú warheit an mir is·
Es tv̊nt dú vogelin schin·
das si die blv̊men sehent geblv̊t·
ir sanc machet mir den mv̊t·
so gůt das ich vro bin·
noh trvrig niht kan sin·
got ere si dú mir das tv̊t·
al vber den rin·
dc mir der sorgen gebůt·
al da min lip ist in ellende·
Es habent die kalten nehte getan·
das die loͤiber an der linden·
winterliche val stan·
der minne han ich gv̊ten wan·
vnd weis sin nv ein liebes ende·
das ist mir zen besten al vergan·
da ich die minne gv̊t vinde·
vnd ich mich ir al da vnderwinde·
Die noch nie wurden verwunnen·
von minnen als ich nv bin·
die en mvgen noch enkvnnen·
niht wol gemerken minen sin·
da mine minne schinen min·
dan der mane schine bi der svnnen·
al da han ich minne begvnnen·
Man darf den boͤsen niht sv̊chen·
im wirt dike vnsanfte we·
wan si wartent vnd lůgent·
als der springet in dem sne·
des sint si vil dest me geve·
des darf noch nieman růchen·
wan si sv̊chent pirn vf den bv̊chen·
Swer dien frǒwen setzet hv̊te·
der tůt dike das úbel stet·
vil manig man treit die růte·
da er sich selben mitte slet·
swer den úbeln sitte gevet·
der get vil ofte vnfro mit zornigem můte·
des pfliget niht der wise frůte·
Dú zit ist verclaret wal·
des ist doch dú welt niht·
wan si ist truͤbe vnd val·
der si rehte besiht·
die ir volgent die iehent·
dc si boͤset ie lanc so me·
wan si der minne abe ziehent·
die ir willen dienten ie·
Alse dú vogel froͤliche·
den svmer singende enpfant·
vnd der walt ist lobes riche·
vnd die blv̊men schone stant·
so ist der winter gar vergan·
min reht ist das ich wiche·
dar min herze stetecliche·
von minnen ie was [WS 1] vndertan·
Der schone svmer get vns an·
des ist vil manig vogel blide·
wan si froͤiwent sich ze stride·
die schonen zit vil wol enpfan·
iarlang ist reht dc der ar·
winke dem vil svͤssen winde·
ich bin worden gewar·
núwes lǒbes an der linde·
Dú schone dú mich singen tv̊t·
si sol mih sprechen leren·
dar abe das ich minen mv̊t·
niht wol kan keren·
si ist edel vnde frůt·
swer mir eren·
kan gemeren·
sine blideschaft dc ist gv̊t·
Die minne bit ich vnd man·
dú mich hat verwunnen al·
dc ich die schonen da zv̊ span·
das si mere min geval·
geschihet mir als dem swan·
der da singet so er sterben sol·
so verlúse ich ze vil dar an·
Dú minne betwang salomone·
der wc der aller wisest man·
der ie getrůg kv́niges krone·
wie moͤht ich mich erwerren dan·
sin betwunge ǒch mich gewaltekliche·
sit si solken man verwan·
der so wise was vnd ǒch so riche·
den solt han ich von ir zelone·
Schonú wort mit svͤssem sange·
dú troͤstent dike sweren mv̊t·
div mag man gerne halten lange·
wan si sint alzoges gv̊t·
ich singe mit truͤben mv̊ten·
der schonen frǒwen vnd der gv̊ten·
vf ir trost ich wîlent sang·
si hat mich missetroͤstet des ist lang·
IR stvͤnde bas das si mich troste·
dan ich dvr si gelige tot·
wan si mich wilent ê· erloste·
vs maniger angeslichen not·
als sis gebút ich bin ir tote·
wan ê· doch so stirbe ich note·
Ich lebte ê· mit vngemache·
als si hat gesehen vnd gehort·
siben iar ê ich von deheiner sache·
wider ir willen spreche ein wort·
vnd wil doch dc ich clage mine sere·
io ist dú minne als si was wilent ere·
Swenne dú zit also gestat·
dc vns koment beidú blůmen vnd gras·
so mag [32r] sin alles werden rat·
da von min herze trurig was·
des froͤwent sich dú vogellin·
wurde iemer svmer als ê·
lat die welt mir eigen sin·
mir tet ê· doch der winter we·
Dvr sinen willen ob er wil·
tv̊n ich eins vnd anders niht·
des selben mag in dvnken vil·
dc nieman in so gerne siht·
ich wil behalten minen lip·
ich han vil wol genomen war·
dc dike werdent schoͤnv́ wib·
von solkem leide misse var·
Die da wilent hoͤrent minen sang·
ich wil dc si mir sin wissen dank·
steteclichen svnder wank·
die ie geminneten oder noch minnen·
die sint fro in manigen sinnen·
des die tvmben nien beginnen·
wan si dú minne noch nie betwang·
noh ir herz růhte enbinnen·
Swenne ich bi der vil wolgemv̊ten bin·
so mv̊s ich wol von schulden froͤide han·
si hat betwungen allen minen sin·
ich bin ir dienstes iemer vndertan·
so wol mich des das ich si ie gesach·
sit si wendet sorge vnd vngemach·
ir vil minneklicher lib·
liebet mir fúr ellú wib·
Swer mir an alle schulde si gehas·
dem mvͤsse wol von schvlden leit geschehen·
ist er mir vient so sage vmbe was·
ob man im der volge mag geiehen·
der boͤsen has ich iemmer gerne dienen wil·
swa ich die weis da ist min gar zevil·
swer si mir mit trúwen bi·
der si vor allem leide vri·
Wan sol den vrowen dienen vnd sprechen·
so man aller beste kan·
mit zorne niemer niht an in gerechen·
des wirt selig liht ein man·
swie gelinge mir dar an·
iane sol in niemer lobes an mir gebrechen·
lasters ich in nienen gan·
Swer den frǒwen an ir ere·
gerne sprichet ane not·
seht der sv́ndet sich vil sere·
vnd ist ǒch der sele tot·
wand wir sin alle·
von den frowen komen·
swie wir sezen si zeshalle·
maniger wirt von in zefromen·
Manigem herzen tet der kalte winter leide·
dc hat vber wunden walt vnd ǒch dú heide·
mit ir gruͤner varwe cleide·
winter mit dir al min truren hinnen scheide·
Swenne der meýe die vil kalten zit beslússet·
vnd dc tů die blůmen an der wise begússet·
vnd der walt von sange dússet·
min lip des an froͤiden wol genússet·
Min lieb mag mich gerne zv̊ der linden bringen·
den ich nahe mines herzen brvst wil twingen·
er sol tǒgen von blv̊men swingen·
ich wil vmb ein núwes krenzel mit im ringen·
Ich weis wol dc er mir niemer des entwenket·
swas min herze froͤiden an sinen lip gedenket·
der mir al min truren krenket·
von vns beiden wirt der blv̊men vil verrenket·
Ich wil in mit blanken armen vmbevahen·
mit minem roten mvnde an sinen balde gahen·
dem min ǒgen des veriahen·
das si nie so rehte liebes niht gesahen·
Min sendes denken·
da bi mine sinne al gemeine·
gar ane wenken·
besorgent svnder dc eine·
wie ich ir bescheine·
das ich nv lange·
mit sange si meine·
in stetem mv̊te·
si guote·
si reine·
Selig ich were·
vnd an froͤiden der frůte·
wolte min swere·
bedenken dv́ wolgemv̊te·
dv́ wolbehv̊te·
vor valschen dingen·
mit singen·
ich mv̊te·
dc si min huͤte·
mit guͤte·
si liebú si gv̊te·
Wol mich der sinne·
die mir ie gerieten die lere·
dc ich si minne·
ie langer vnd ie mere·
das ich ir ere
reht als ein wunder
besvnder
so sere·
minne vnd meine·
si reine·
si selig si here·
Min hende ich valde·
mit trúwen al gernde vf ir fuͤsse·
dasse als ýsalde·
tristranden mich troͤsten mvͤsse·
vnd also gruͤsse·
dc si gebere·
min swere·
mir buͤsse·
vnd si mih scheide·
von leide·
si liebú si svͤsse·
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.