Texte

Friedrich von Hausen
Exportiert aus Wikisource am 26. August 2022
Friedrich von Hausen
[[Bild:|220px]]
Friedrich von Husen
* zwischen 1150 und 1160 in
† 6. Mai 1190 in Philomelion (Akşehir)
Ministeriale und Minnesänger
12. Jahrhundert
Artikel in der Wikipedia
Bilder und Medien bei Commons
Zitate bei Wikiquote
GND-Nummer 118693549
WP-Personensuche, SeeAlso, Deutsche Digitale Bibliothek
DNB: Datensatz, Werke
Werke
Texte
Ich můs von ſchulden ſin vnfro (Codex Manesse, Blatt 117r)
Ich můs von schulden sin vnfro (Codex Manesse, Blatt 117r)
An der genaden al min froͤide ſtat (Codex Manesse, Blatt 117r)
An der genaden al min froͤide stat (Codex Manesse, Blatt 117r)
Dú ſvͤſſen woꝛt dú habent mir getan (Codex Manesse, Blatt 117r)
Dú svͤssen wort dú habent mir getan (Codex Manesse, Blatt 117r)
Gelebt ich noch die lieben zit (Mit originalen Lettern) (Codex Manesse, Blatt 117r und 117v)
Gelebt ich noch die lieben zit (Mit aufgelösten Abbreviaturen) (Codex Manesse, Blatt 117r und 117v)
Wafena wie hat mich mīne gelaſſē (Codex Manesse, Blatt 117v)
Wafena wie hat mich minne gelassen (Codex Manesse, Blatt 117v)
Si wennēt dem tode entrūnen ſin (Codex Manesse, Blatt 117v)
Si wennent dem tode entrunnen sin (Codex Manesse, Blatt 117v)
Es were ein wūneklichú zit (Codex Manesse, Blatt 117v)
Es were ein wunneklichú zit (Codex Manesse, Blatt 117v)
Si darf mich des zihen niht (Mit originalen Lettern) (Codex Manesse, Blatt 117v)
Si darf mich des zihen niht (Mit aufgelösten Abbreviaturen) (Codex Manesse, Blatt 117v)
Min h̾ze min lip die wellent ſcheidē (Codex Manesse, Blatt 117v und 118r)
Min herze min lip die wellent scheiden (Codex Manesse, Blatt 117v und 118r)
Min h̾ze den gelǒben hat (Codex Manesse, Blatt 118r)
Min herze den gelǒben hat (Codex Manesse, Blatt 118r)
In minem trǒme ich ſach (Codex Manesse, Blatt 118r)
In minem trǒme ich sach (Codex Manesse, Blatt 118r)
Do ich von der gv̊ten ſchiet (Codex Manesse, Blatt 118r)
Do ich von der gv̊ten schiet (Codex Manesse, Blatt 118r)
Mir ſint die ſinne wunt (Codex Manesse, Blatt 118r)
Mir sint die sinne wunt (Codex Manesse, Blatt 118r)
Ich ſihe wol dc got wnder kan (Codex Manesse, Blatt 118r)
Ich sihe wol dc got wnder kan (Codex Manesse, Blatt 118r)
Ich lobe got der ſiner gvͤte (Codex Manesse, Blatt 118r und 118v)
Ich lobe got der siner gvͤte (Codex Manesse, Blatt 118r und 118v)
Lichte ein vnwiſer man v̾wuͤte (Codex Manesse, Blatt 118v)
Lichte ein vnwiser man verwuͤte (Codex Manesse, Blatt 118v)
Was mac dc ſin dc dú w̾lt heiſſet minne (Codex Manesse, Blatt 118v)
Was mac dc sin dc dú werlt heisset minne (Codex Manesse, Blatt 118vr)
Ich denke vnderwilen (Mit originalen Lettern) (Codex Manesse, Blatt 118v)
Ich denke vnderwilen (Mit aufgelösten Abbreviaturen) (Codex Manesse, Blatt 118v)
Wol ir ſi iſt ein ſelig wip (Codex Manesse, Blatt 118v und 119r)
Wol ir si ist ein selig wip (Codex Manesse, Blatt 118v und 119r)
Editionen
Heidelberg, Universitätsbibliothek, Cpg 848, Bl. 116v bis 119r, Digitalisat UB Heidelberg bis UB Heidelberg
Digitale Gesamtausgabe der Lyrik in Lyrik des Deutschen Mittelalters (LDM), Burggraf von Lienz
Sekundärliteratur
Wilhelm Wilmanns: Friedrich von Hausen. In: Allgemeine Deutsche Biographie (ADB). Band 11. Duncker & Humblot, Leipzig 1880, S. 86 f.
Julius Weichardt: Friedrich von Hausen und der ältere deutsche Minnesang. Nieten, Duisburg 1894 ULB Düsseldorf
Günther Jungbluth, Ursula Aarburg: Friedrich von Hausen. In: Neue Deutsche Biographie (NDB). Band 5, Duncker & Humblot, Berlin 1961, ISBN 3-428-00186-9, S. 599 MDZ München
Hans-Jürgen Rieckenberg: Leben und Stand des Minnesängers Friedrich von Hausen. In: Archiv für Kulturgeschichte 43 (1961), S. 163–176
Günther Schweikle: Friedrich von Hausen. In: Die deutsche Literatur des Mittelalters. Verfasserlexikon. 2. Auflage. Band 2. de Gruyter, Berlin 1980, ISBN 3-11-007699-3, Sp. 935–947
Rüdiger Kurth: Ein „Elvis“ des Mittelalters. Der Ritter, der Minnesänger und die Burg Hohenberch. In: Jahrbuch Hochtaunuskreis 2009. Societäts-Verlag, Frankfurt 2008, ISBN 978-3-7973-1110-8, S. 186–189
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.
ICh můs von schulden sin vnfro· sit si iah do ich bi ir was·
ich moͤhte heissen eneas·
vnd solte aber des wol sicher sin si wurde niemer min tido·
wie sprach si do·
aleine froͤmdet mich ir lip·
si hat iedoch des herzen mich beroubet gar fúr ellú wib·
Mit gedanken mv̊s ich die zit vertriben als ich beste kan·
vnd lernen des ich nie began·
truren vnd sorgen pflegen des was vil vngewent min lip·
durh ellú wib·
wande ich niemer sin bekomen·
in so rehte kvmberliche not als ich von einer han genomen·
Min herze mv̊s ir kluse sin al die wile ich habe den lip·
so mv̊ssen iemer ellú wib·
vil vngedrungen drvinne wesen· swie lihte si sich getroͤste min·
nv werde schin·
ob rehte stete iht mvge gefromen·
der wil ich iemer gegen ir pflegen dú ist mir von ir gvͤte komen·
Mich mvͤt dc ich der lieben bin so verre komen des mv̊s ich wunt·
beliben dest mir vngesvnt·
ǒch solte mich wol helfen dc dc ich ir ie was vndertan·
sit ichs began·
so enkvnde ich nie den steten mv̊t·
bewenden rehte gar von ir wan si dc beste gerne tůt·
An der genaden al min froͤide stat·
da enmag mir gewerren weder hv̊te noch kip·
mich enhilfet dienst noh minre frúnde rat·
vnd dc si mir ist lieb alsam min selbes lip·
mir erwendet ir hulde nieman wan ir melde·
si tůt mir alleine den kvmber den ich mv̊s tragen·
warvmbe solte ich danne von den merkeren klagen·
nv ich ir hv̊te also lúzel engelde·
Mangen herzen ist von der hv̊te we·
vnd iehent es si in ein angeslichú not·
so engerte dc mine aller richheit niht me·
wan mvͤse es si liden vnz an minen tot·
wer moͤhte han grosse froͤide ane kvmber·
nach solher swere so rang ich alle zit·
done mâht ich leider niht komen in den nit·
des hat gelúke vil getan an mir tvmber·
Einer grôssen swere mv̊s ich leider enic sin·
die doch erfúrhtet vil manic selig man·
vnbetwngen von hůte so ist das herze min·
mir ist leit von ir dc ich den fride ie gewan·
wande ich die not wolde iemer guͤtlich liden·
het ich von schulden verdient den has·
nit vmbe ir minne dc tet mir bc·
danne ich si beide svs mv̊s miden·
Dú svͤssen wort dú habent mir getan·
dú ir die besten algemeine·
sprechent dc ich nien kan·
gedenken wan an si alters eine·
ander min angest der ist kleine·
wan den ich von ir han·
got weis wol dc ich nie gewan·
in al der werlte so liebe enkeine·
des sol si mich geniessen lan·
Swes got an gvͤte vnd an getat·
noch ie dekeiner frowen gvnde·
des gihe ich ime dc er dc hat·
an ir geworht als er wol kvnde·
was danne vnd arnez vnderstunde·
min herze es dike hohe stat·
noch moͤhte es alles werden rat·
wolden si die grossen wnde·
erbarmen die si an mir begat·
Swes got an frowen allertagen·
des enkan mir an ir nieman gemeren·
wan als ich ir mv̊s min angest sagen·
dc kan si leider wol verkeren·
ein herte herze kan sis leren·
das also lihte mac vertragen·
so grôsses wuͤfen vnd klagen·
dc ich lide vmb ir hulde mit seren·
dc ich niemer mac getragen·
Gelebt ich noch die lieben zit·
dc ich dc lant solte beschowen·
darinne al min froͤide lit·
nv lange an einer schonen frǒwen·
so gesehe min lip·
niemer weder man noch wib·
getruren noh gewinnen rowen·
mich dvhte nv vil maniges gv̊t·
da von ie swere was min mv̊t·
Ich wande ir e· vil verre sin·
da ich nv vil nahe were·
alrerste hat dc herze min·
von der froͤmde grosse swere·
es tůt wol sin trúwe schin·
wer ich iender vmb den rin·
so friesche ich lihte ein ander mere·
des ich doch leider nie vernam·
sit dc ich vber die berge kam·
Ich sage ir nv vil lange zit·
wie sere si min herze twinget·
als vngelǒbic ist ir nit·
dc [117v] si der zwiuel darvs bringet·
dc si hat als selhen kip·
den ze rehte ein selig wib·
niemer rehte vol bringet·
dc si dem vngelônet lat·
der si vor al der werlte hat·
Nieman sol mir dc verstan·
sine moͤhte mich vor eime iaere·
von sorgen wol erloͤset han·
ob es der schonen wille were·
ǒch half mir sere ein lieber wan·
swanne si min ǒgen san·
dc wc ein froͤide fúr die swere·
alleine wil sis gelǒben niet·
dc si min ǒge gerne siet·
Wafena wie hat mich minne gelassen·
dú mich betwanc dc ich lie min gemvͤte·
an solhen wan der mich wol mac verwassen·
es ensi dc ich geniesse ir guͤte·
von der ich bin·
also dike ane sin·
mich dvhte ein gewin vnd wolte dú gv̊te·
wissen die not dú wont in minem mv̊te·
Wafena wc habe ich getan so ze vneren·
dc mir dú gv̊te ir grůsses niht engvnde·
svs kan si mir wol dc herze verkeren·
dc ich in der werlte besser wib iender funde·
seht dest min wan·
da fúr so wil ichs han·
vnd wil dienen mit trúwen der gv̊ten·
dú mich da blúwet vil sere ane růten·
Si wennent dem tode entrunnen sin·
die gote erliegent sine vart·
deswar est der gelǒbe min·
dc si sich úbel hant bewart·
swer das krúce nam vnd niender vert·
dem wirt doch ze ivngeste schin·
swanne im dv́ porte ist vor verspert·
die er tůt vf den livten sin·
Es were ein wunneklichú zit·
der nv bi frúnden moͤhte sin·
wan siht an mir wol ane strit·
dc ich von der gescheiden bin·
die ich erkos fúr ellú wib·
ir schoͤner lip·
der wart ze sorgen mir geborn·
den ǒgen min mvͤs dike schaden dc si so rehte habent erkorn·
Wer si mir vs der mâsse niht·
so wurde es vmb dc scheiden rat·
wan es mir also niht beschiht·
als si mir gelobet hat·
ǒch sol si min vergessen niet·
wan do ich von ir schiet·
vnd ich si ivngest ane sach·
ze froͤiden mvͤse ich urlup nemen dc mir davor e nie geschach·
Si darf mich des zihen niht·
min herze hete si in pfliht·
des mohte si die warheit an mir sehen·
vnd wil sis iehen·
ich kom sin dike in so grosse not·
dc ich den lúten gv̊ten morgen bot·
engegen der naht·
ich was so verre an si verdaht·
dc ich mich vnder wilent niht versan·
vnd swer mich grůste dc ich sin niht verstan·
Min herze vnsanfte sinen strit·
lat den es nv menge zit·
hat wider dc allerbeste wib·
der ie min lip·
mv̊s dienen swar ich iemer var·
ich bin ir holt swenne ich vor gotte getar·
so gedenke ich ir·
dc gerůche ǒch er vergeben mir·
ob ich des sv́nde svle han·
zwú geschv̊f er si so rehte wol getan·
Mit grossen sorgen hat min lip·
gerungen alles vmb ein wib·
ich het ein leben dc mir vil nahe gie·
dc verlie mich nie·
an wisheit kerte ich minen mv̊t·
dc wc dú minne dú noch mengem tůt·
die selben klage·
darvmbe ich niht an got verzage·
der kan den lúten helfen vs der not·
nieman weis wie nahe ime ist der tot·
Miner frowen wc ich vndertan·
dú ane lon minen dienst nan·
von der spriche ich niht wan alles gv̊t·
wan dc ir mv̊t·
wider mich ze vnmilte ist gewesen·
vor aller not do wande ich sin genesen·
do sich verlie·
min herze vf genade an sie·
der ich da leider fvnden niene han·
nv wil ich dienen dem der lonen kan·
Ich kom von minne in kumber gros·
des ich doch selten ie genos·
swas schaden ich da von gewunnen han·
so gefriesch nieman·
dc ich ir iht spreche wan gůt·
noh min mvnt von frowen niemer getůt·
doch klage ich dc·
dc ich so lange gotes vergas·
vnd wil es iemer vor allen dingen klagen·
vnd im darnach ein holdes herze tragen·
Min herze min lip die wellent scheiden·
die mit ein ander waren nv menige zit·
der lip wil gerne vehten an die heiden·
iedoch dem herzen ein wib so nahen lit·
vor alder werlte dc mvͤt mich iemer sit·
dc si ein ander niht volgent beide·
[118r] mir habent dú ǒgen vil getan ze leide·
got eine mvͤsse scheiden noch den strit·
Sit ich dich herze niht wol mac erwenden·
dvne wellest mich vil trureclichen lan·
so bitte ich got dc er dich gerůche senden·
an eine stat da man dich wol welle enpfan·
owe wie sol es armem dir ergan·
wie getorstest eine an solhe not ernenden·
wer sol dir dine sorge helfen wenden·
mit trúwen als ich han getan·
Ich wande ledic sin von solher swere·
do ich dc krúce in gotes eren nam·
es wer ǒch reht dc es alſo were·
wan dc mîn stetekeit mir sin verban·
ich solte sin ze rehte ein lebendic man·
ob es den tvmben willen sin verbere·
nv sihe ich wol dc im ist gar vnmere·
wie es mir svle an dem ende ergan·
Niemen darf mir wenden das zvnstete·
ob ich die hasse die ich da minnet ê·
swie vil ich si geflehte oder gebete·
so tůt si rehte als sis niht verste·
mich dvnket rehte wie ir wort geliche ge·
rehte als es der svmer von triere tete·
ich wer ein gǒch ob ich ir tvmpheit hete·
fúr gůt es engeschiht mir niemer me·
Min herze den gelǒben hat·
solt ich oder iemer man beliben sin·
durh liebe oder durh der minnen rat·
so wer ich noh alvmbe den rin·
wan mir dc scheiden nahe gat·
dc ich von lieben frúnden min·
han getan swies doch darvmbe ergat·
herre got vf die genade din·
so wil ich dir bevelhen die·
die ich dur dinen willen lie·
Ich gvnde es gv̊ten frowen niet·
dc iemerme kome der tac·
dc si den heten lieb der von vns schiet·
wan es wer ir eren slac·
wie kvnde in der gedienen iet·
der gottes verte also erschrac·
darzv̊ sende ich in disú liet·
vnd gruͤsse si als ich beste mac·
gesehe si min ǒge niemerme·
mir tete doch ir laster we·
IN minem trǒme ich sach·
ein harte schoͤne wib·
die naht vnz an den tac·
do erwachete min lib·
do wart si leider mir benomen·
dc ich enweis wa si si von der mir froͤide solte komen·
dc taten mir dú ǒgen min·
der wolte ich ane sin·
Do ich von der gv̊ten schiet·
vnd ich zir niht ensprach·
als mir dú minne widerriet·
des lîde ich vngemach·
dc lies ich dvr die valschen diet·
von der mir nie lieb beschach·
ich wúnsche ir anders niet·
wan der die helle brach·
der fuͤge ir we vnd ach·
Si wenent huͤten min·
die sin doch niht bestat·
vnd tůn ir niden schin·
dc wenic sie veruat·
si moͤhten ê den rin·
gekeren in den pfat·
ê ich mich iemer sin·
vertroͤste swies ergat der mir gedienet hat·
Mir sint die sinne wunt·
vnd siech gewesen von vil banden·
dc ist in rehte kunt·
sit sie ein frowen erst bekanden·
der keiser ist in allen landen·
kuster si zeiner stunt·
an ir vil roten mvnt·
er hete sin iemer frome ze sinen handen·
Sit ich dc herze han·
verlassen an der besten eine·
des sol ich lon enpfan·
von der selben die ich da meine·
swie selten ichs ir bescheine·
so bin ich es doch der man·
der ir bas helles gan·
danne in der werlte lebe deheine·
Wer moͤhte mir den mv̊t·
getroͤsten ane ein schoͤne frowen·
dú minem herzen tůt·
leit dú nieman kan beschowen·
dur not so lide ich den rúwen·
wan es sich ze hohe lůt·
wirt mir dú minne vngůt·
so sol ir niemer man volle trúwen·
Ich sihe wol dc got wnder kan·
ein schoͤne wúrken vs wibe·
dc ist an ir wol schin getan·
wan er vergas niht an ir libe·
den kumber den ich mit ir tribe·
den wil ich gerne han·
zedú dc ich mit ir belibe·
vnd an ir min wille mvͤsse ergan·
min frowe sehe was si mir tů·
da stat dehein scheiden zv̊·
Si gedenke niht dc ich si der man·
der si ze kvrzen wilen minne·
ich han von kinde an si verlan·
dc herze min vnd al die sinne·
ich wart an ir nie valsches inne·
sit ich von erst si lieb gewan·
min herze ist ir gesinne·
vnd wil ǒch stete an ir bestan·
Min frowe sehe was si mir tů·
da stat dehein scheiden zv̊· [WS 1]
Anmerkungen (Wikisource)
↑ Vorlage: Min frowe ſehe·
ICh lobe got der siner gvͤte·
dc er mir ie verlech die sinne·
dc ich si nam in min gemvͤte· [118v]
wan si ist wol wert dc man si minne·
noch besser ist dc man ir hvͤte·
danne ieglicher si brehte inne·
des dc si vngerne horte·
vnd mir die froͤide gar zerstorte·
Noch besser ist dc ich si mide·
danne si ane hůte were·
vnd ir deheiner mir ze nide·
spreche des ich vil g̾ne enbere·
ich han si erkorn swas ich lide·
so lasse ich niht dvr die merkere·
froͤmde ich si mit den ǒgen·
si minnet iedoch min herze tǒgen·
Min lip wc ie vngebunden·
vnd doch gemv̊t von der pliden·
alrerst han ich rehte erfvnden·
was man mv̊s nach liebem wibe liden·
des mv̊s ich ze mangen stvnden·
der besten frowen eine miden·
des ist min herze dike swere·
als es mit froͤiden gerne were·
Swie dike ich lobe die hůte·
doh wart ich nie an mir selbem inne·
dc ich in iemer in dem mv̊te·
werde holt die so gar die sinne·
gewendet haben dc si dv́ guote
enpfremde mir ir steten minne·
deswar tůn ich in niht mere·
ich[WS 1] gefreische doch gerne alle ir vnere·
Anmerkungen (Wikisource)
↑ Vorlage: ch.
Lichte ein vnwiser man verwuͤte·
von sorgen der ich menge han·
swie ich mich noch davor behuͤte·
so hat got wol ze mir getan·
sit er mich niht wolte erlan
ich neme si in min gemvͤte·
ioh engilte ich alze sere ir gvͤte·
vnd ǒch der schoͤne die si hat·
litte ich dur got dc si an mir begat·
der sele wurde rat·
Mich kvnde nieman des erwenden·
ine welle ir wesen vndertan·
vnd wil min leben also verenden·
swie si habe ze mir getan·
sit ich des botten niht enhan·
so wil ich ir dú lieder senden·
mv̊s sich min lip von ir ellenden·
min herze belibet doch da·
dc sv̊che nieman anderswa·
es kvnde ir niemer komen ze na·
Was mac dc sin dc dú werlt heisset minne·
vnd es mir tůt so we zaller stunde·
vnd es mir nimt so vil miner sinne·
ine wande niht dc es ieman erfunde·
getorste ich es iehen·
dc ich es hete gesehen·
da von mir ist geschehen·
also vil herze sere·
so wolte ich daran gelǒben iemermere·
Minne got mvͤsse mich an dir rechen·
wie vil dv minem herzen der froͤide wendest·
vnd moͤhte ich dir din krumbes ǒge vs gestechen·
des het ich reht wan dv vil lútzel endest·
an mir solhe not·
so mir din lip gebot·
vnd werest dv tot·
so dvhte ich mich riche·
svs mv̊s ich von dir leben betwungenliche·
Ich denke vnderwilen·
ob ich ir nahe were·
was ich ir wolte sagen·
das kvrzet mir die milen·
swenne ich ir mine swere·
so mit gedanken mac klagen·
mich sehent ze mengen tagen·
die livte in der gebere·
als ich niht sorge múge tragen·
des mv̊s ich verzagen·
Het ich so hoher minne·
mich nie vnderwunden·
min moͤhte werden rat·
ich tet es ane sinne·
des lide ich zallen stvnden·
not dv́ mir nahe gat·
min stete mir nv hat·
dc herze also gebvnden·
dc si es niht scheiden lat·
von ir als es nv stat·
Es sint grosse [WS 1] wnden·
die ich allersereste minne·
dú wc mir ie geve·
ich wúnsche in kurzen stunden·
dc niemer man gewinne·
kvmber der also nahen ge·
erkennen wande ich in e·
nv han ich in bas befvnden·
mir wc daheime we·
vnd hie wol dristunt me·
Swie kleine es mich veruahe·
so froͤwe ich mich doch sere·
dc mir nieman erwern kan·
ine gedenke ir nahe·
swar ich landes kere·
den trost sol si mir lan·
wil sis fúr gůt enpfan·
des froͤwe ich mich iemer mere·
wan ich fúr alle man·
ir ie wc vndertan·
Anmerkungen (Wikisource)
↑ Vorlage: groͤſſe.
Wol ir si ist ein selig wip·
dú von sender arbeit nie leit gewan·
des hat ich den minen lip·
vil wol behuͤtet· wan dc mich ein selig man·
mit rehter stete hat ermant· dc ich im gůtes gan·
nv twinget mich der kvmber sin vnd tuot mir we·
vnd ist dc min angest gar·
sin nement wol tvsent ǒgen war·
wenne er kome da ich in se·
ER ist mir lieb vnd lieber vil·
danne ich im vil lieben manne sage·
ob er [119r] dc niht gelǒben wil·
dc ist mir leit so nahe als ich die liebe trage·
getorste ich genenden· so wolde ich im enden sine klage·
wan dc ich vil sendes wip·
erfúrhten mv̊s der eren min·
vnd des lebennes sin·
der mir zist alsam der lip·
Owe tet ich des er gert·
davon moͤht ich gewinnen leit vnd vngemach·
lasse aber ich in vngewert·
dc ist ein lon der gv̊tem manne nie geschach·
alrerst muͤt mich dc ich in alder mich ie gesach·
vnd sol ich sin zefrúnde enbern·
dc ist mir leit vnd mv̊s doch sin·
ich wil hvͤten min·
ich engetar sin niht gewern·
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.