Lyrik

Wolfram von Eschenbach
Exportiert aus Wikisource am 7. Juli 2022
Wolfram von Eschenbach
[[Bild:|220px]]
* um 1180 in OFF
† um 1220 in OFF
deutscher Dichter und Minnesänger
Artikel in der Wikipedia
Bilder und Medien bei Commons
Zitate bei Wikiquote
GND-Nummer 118634933
WP-Personensuche, SeeAlso, Deutsche Digitale Bibliothek
DNB: Datensatz, Werke
Werke
Texte
Ejn wib mag wol erlǒben mir (Codex Manesse, Blatt 150r)
Ein wib mag wol erlǒben mir (Codex Manesse, Blatt 150r)
Der heldē mīne ir klage (Codex Manesse, Blatt 150r)
Der helden minne ir klage (Codex Manesse, Blatt 150r)
Uō der zinnē (Codex Manesse, Blatt 150r)
Uon der zinnen (Codex Manesse, Blatt 150r)
Vrſpꝛing blůmē lǒb vs dꝛingē (Codex Manesse, Blatt 150r)
Vrspring blůmen lǒb vs dringen (Codex Manesse, Blatt 150r)
Es iſt nv tag (Codex Manesse, Blatt 150r und 150v)
Es ist nv tag (Codex Manesse, Blatt 150r und 150v)
Gv̊t wib ich bitte dich mīne (Codex Manesse, Blatt 150v)
Gv̊t wib ich bitte dich minne (Codex Manesse, Blatt 150v)
Manig̾ klaget die ſchonē zit (Codex Manesse, Blatt 150v)
Maniger klaget die schonen zit (Codex Manesse, Blatt 150v)
Ursprinc bluomen
Parzival
Band 1 Handschrift
Band 2 Handschrift
Den morgenblic bî wahtaeres sange erkôs (L 3,1 MF = KLD 69.I)
Guot wîp, ich bite dich minne (L 9,1 MF = KLD 69.[VIII])
Willehalm [BSB Cgm 193,III] MDZ München, vgl. Handschriftencensus. Farbiges Faksimile in 20 Tafeln nebst Einleitung hrsg. von Karl von Amira: UB Heidelberg. Volltext: Bibliotheca Augustana; University of Oxford Text Archive (Erlaubnis erforderlich)
Editionen
Heidelberg, Universitätsbibliothek, Cpg 848, Bl. 149v bis 150v, Digitalisat UB Heidelberg bis UB Heidelberg
Die Weingartner Liederhandschrift, hrsg. von Franz Pfeiffer und F. Fellner, Stuttgart 1843 Google
Die alte Heidelberger Liederhandschrift (1844)
Parzival und Titurel, Hrsg. von Karl Bartsch, 1877, F. A. Brockhaus Internet Archive = Google
Rezeption
Franz Siking (i.e. Henriette Strauss): Wolfram von Eschenbach. Historischer Roman, Leipzig 1907 siehe Autorenseite
Sekundärliteratur
Elias von Steinmeyer: Eschenbach, Wolfram von. In: Allgemeine Deutsche Biographie (ADB). Band 6. Duncker & Humblot, Leipzig 1877, S. 340–346
Friedrich Panzer: Bibliographie zu Wolfram von Eschenbach. Ackermann, München 1897 Internet Archive = Google-USA*, Internet Archive
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.
EIn wib mag wol erlǒben mir·
dc ich ir neme mit trúwen war·
ich ger mir wart ǒch nie div gir·
verhabet min ǒge swingen dar·
wie bin ich svs von iulen [WS 1] slaht·
si siht min herze in vinster naht·
Si treit den helflichen grv̊s·
der mich an froͤiden richen mag·
dar vf ich iemer dienen mv̊s·
vil lihte erschinet noch der tag·
dc man mir mv̊s froͤiden iehen·
noch grosser wunder ist geschehen·
Nv seht wc ein storche seten schade·
noh minre schaden habent min dv́ wib·
ir has ich vngerne vf mich lade·
dú nv den schuldehaften lib·
gegen mir treit dc laze ich sin·
ich wil nv pflegen der zúhte min·
Der helden minne ir klage·
dv svnge ie gegen dem tage·
dc svre nach dem svͤssen·
swer minne vnd wiblich gruͤzen·
also enpfienc dc si sich mv̊zent scheiden·
swc dv do riete in beiden·
do vf gie der morgen sterne·
wahtere swig da von niht sing gerne·
Swer pfliget oder ie gepflag·
dc er bi liebem [WS 1] wibe lag·
den merkern vnverborgen·
der darf niht dvrh den morgen
dannen streben· er mag des tages erbeiten·
man darf in niht vs leiten·
[ ] vf sin leben·
ein offenú svͤzú wirtes wib kan solhe minne geben·
Uon der zinnen
wil ich gen ein tage wise·
sang verbern·
die sich minnen
tǒgenliche vnd ob si prise·
ir minne wern·
so gedenke sere·
an sine lere·
dem lib vnd ere·
ergeben sin·
der mich des bete·
deswar ich tete·
ime gv̊te rete
vnd helfe schin·
ritter wache hvͤte din·
Niht verkrenken·
wil ich aller wahter trúwe·
an werden man·
niht gedenken·
solt dv vrowe an scheides rúwe·
vf kvnfte wan·
es wc ie wege·
swer minne pflege·
dc vf im lege·
meldes last·
ein svmer bringet·
dc min mvnt singet·
dvrh wolken [WS 1] dringet
tagender glast·
hvͤte din wache svͤzer gast·
Er mv̊s von dannen·
der si klagende vngerne horte·
do sprach sin mvnt·
allen mannen·
[ ] nie so gar zerstorte·
froͤiden fvnt·
swie balde es tagte·
der vnuerzagte·
an ir beiagte·
das sorge in floch·
vnvermeldes ruken·
gar heinlich smvken·
ir brvstel drvken·
vnd me dannoch·
vrlub gab des pris was hoh·
Vrspring blůmen lǒb vs dringen·
vnd der lust des meigen vrbort vogel ir alten don·
etteswenne ich kan núwes singen·
so der rife liget gv̊t wib noch alles an din lon·
die walt singer vnd ir sanc·
nach halbem svmers teile in niemannes ore ein klanc·
Der bliclichen blv̊men glesten·
so des tǒwes anehang· erlúternt swa si sint·
vogel die helle vnd die besten·
al des meigen zit· si wegent [WS 1] mit gesange ir kint·
do slief niht dú nahtegal·
nv wache aber ich vnd singe vf berge vnd in den tal·
Min sang wil genade sv̊chen·
an dich gvͤtlich wib nv hilf sit helfe ist worden not·
min lon dienstes sol gerůchen·
dc ich iemer bitte vnd búte vnz an minen tot·
laze mih von dir nemen den trost·
dc ich vs minen langen klagen werde erlost·
Gv̊t wib mag min dienst ervinden·
ob din helflich gebot mich froͤiden welle wern·
dc min truren mvͤsse swinden·
vnd ein liebes ende an dir beiagen· min langes gern·
din gvͤtlich gelaz mich twang·
dc ich dir beide gv̊t singe al kurch [WS 2] oder wiltu lang·
Werdes wib din svͤze gvͤte·
vnd din minneklicher zorn hat mir vil froͤide erwert·
maht dv troͤsten min gemvͤte·
wan ein helfliches wort von dir mich sanfte ernert·
mach ein wendig mir min klagen·
so dc ich werde gros gemv̊t bi minen tagen·
Es ist nv tag·
dc ich wol mag·
mit warheit iehen ich wil niht langer sin·
dú vinster naht·
hat vns nv braht·
zeleide mir den morgen schin·
sol er von mir scheiden nv̊·
min frúnt dú sorge ist mir ze vrů·
ich weis vil wol dc ist ǒch ime
den ich in minen ǒgen gerne burgen
moͤht ich in also behalten
min kvmber wil sich bereiten·
owe des wie kvmt ers hin
der hohste fride mvͤze in noh an minen arn geleiten·
Das gv̊te wib
ir frúndes lib·
vaste vmbe vie der wc entslaffen do·
do dc geschah
dc er er sach·
den grawen tag· do mv̊st er sin [150v] vnfro·
an sine bruste er si druhte
vnd sprah· io erkande ich nie
kein trurig scheiden also snel·
vnd ist dú naht von hinnen alzebalde·
wer hat si so kurz gemessen
der tag wil niht erwinden·
hat minne an selden teil
dú helfe mir dc ich dich noh mit froͤiden mvͤze vinden·
Si beide luste
dc er kvste·
si genv̊g gevlůchet wart dem tage·
vrlob er nam·
dc da wol zam·
nv merket wie da ergie ein schimpf bi klage·
si haten beide sich bewegen·
es enwart so nahen nien gelegen·
des noch dú minne hat den pris·
ob der svnnen dri mit blicke weren
sine moͤhte zwischen si gelúhten·
er sprach nv wil ich riten
din wiblich gvͤte neme min war·
vnd si min schilt húte hin vnd her noh zallen ziten·
Ir ǒgen nas·
do wurden bas·
ǒch twang in clage er mv̊ste von ir·
si sprach hin zime·
vrlob ich nime·
ze den froͤiden min· dú wil gar von mir·
sit ich mv̊s vermiden dinen mvnt
der manigen grůs mir bot·
vnd ǒch din kvs
alse in din vzerwelte gvͤte lerte
vnd din geselle· din trúwe
si sprach weme wiltv mih lazen·
nv kvm schiere wider vf rehten trost·
owe dur dc mag ich strenge sorge niht gelassen·
Gv̊t wib ich bitte dich minne·
ein teil dvr dc
sit ich dir niht gebieten mag·
dv gib mir die gewinne·
dc ich bas
an dir gelebe noh lieben tag·
snel fúr mich wilder danne ein tier·
mag mir din helfe entwenken·
wilt an trúwe gedenken·
selig wib so gist ein liebes ende mir·
Dv treist so vestes herze·
vf min verlust·
wie sol der sitte an dir zergan·
eim mvͤzer valke eim terzen·
den mach brust·
niht bc danne dir dú dine stan·
din mvnt ist vf den kvs gestalt·
din lacheliches gruͤzen·
mag mir wol gesvͤssen·
svre not svs hat din minne min gewalt·
Moͤht ich die selde reichen·
dú so hoh·
ob miner froͤide stet gezilt·
got mv̊s ir herze erweichen·
sit es noh·
der miner swere niht bevilt·
man siht mich al zeselten geil·
ein vlins von donren stralen·
moͤht ich zallen malen·
han erbetten· das im der herte entwiche ein teil·
Ir wengel wol gestellet·
sint gevar·
alsam ein tǒwig rose rot·
dú schoͤne mir wol gevellet·
sist valsches bar·
ir ǒgen bringent mich in not·
si dringent in mins herzengrunt·
so enzv́ndet mich ir minne·
dc ich von ir liebe enbrinne·
an der stat bin ich von der svͤzen wunt·
Ir schoͤne froͤide machet·
durlúhtig rot·
ist ir mvnt als ein rubin·
swem si von herzen lachet
des sorge ist tot·
sist min spilnder ǒgen schin·
ir froͤmde krenket dc herze min·
ich stirbe mir werde ir minne·
venus dú goͤttinne·
lebt si noh si mvͤste bi ir verblichen sin·
Ich wil des minen ǒgen·
sagen dank·
dc si si vunden also gv̊t·
die ich da minne tǒgen·
svnder wank·
dú hat gehoͤhet mir den mv̊t·
dc schaffet mir ir roter mvnt·
ir minnekliches lachen·
kan mir wol gemachen·
hohen mv̊t da von mir wirt ein froͤide kvnt·
Maniger klaget die schonen zit·
vnd die liehten tage·
so klage ich dc mir ein wib getv̊t·
dú mir leit zv̊ sorgen git
owe· dirre klage·
wc ist mir fúr sendes trvren gv̊t·
aller vogel singen aller blv̊men schin·
ellú wib vnd wibes kint·
swc der lebende sint
troͤstent mich niht wan so dc sol sin·
Mich hat leit in truren braht·
vnd ein sende klage·
dú mich niht wan truren leren wil·
mir hat lones vngedaht·
der ich mine tage·
habe gedienet vs der masse zil·
wer sol mir nv lonen vnd gelit si tot·
geschiht des niht vnd stirbe aber ich·
frowe min nv sprich·
vf wen erbe ich danne dise not·
Hilf hilf gv̊t wib la besehen·
ob dv brechen maht·
sorgen bant min froͤide hinket dran·
mir mag lieb von dir beschehen
dar zv̊ hast dvs braht·
dine guͤte bitte ich vnd man·
manlich dienst wiblich lon gelich ie wag·
wan an dir vil selig wib·
kumber treit min lip·
die vernanten zit naht vnd tag·
Wolfram von Eschenbach
Exportiert aus Wikisource am 7. Juli 2022
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.