Texte

Dietmar von Aist
Exportiert aus Wikisource am 25. August 2022
Dietmar von Aist
[[Bild:|220px]]
* um 1115 in Oberösterreich
† nach 1171 in
Minnesänger
Artikel in der Wikipedia
Bilder und Medien bei Commons
Zitate bei Wikiquote
GND-Nummer 11867191X
WP-Personensuche, SeeAlso, Deutsche Digitale Bibliothek
DNB: Datensatz, Werke
Werke
Texte
Was iſt fúr das trurē gůt (Codex Manesse, Blatt 64v)
Was ist fúr das truren gůt (Codex Manesse, Blatt 64v)
Senender frúndinne botte nv ſage ir was ich lide (Codex Manesse, Blatt 64v)
Senender frúndinne botte nv sage ir was ich lide (Codex Manesse, Blatt 64v)
Ahv́ nv kvmt vns dú zit der kleinē vogelline ſang (Codex Manesse, Blatt 64v)
Ahv́ nv kvmt vns dú zit der kleinen vogelline sang (Codex Manesse, Blatt 64v)
Es ſtv̊nt ein frǒwe alleine (Codex Manesse, Blatt 64v)
Es stv̊nt ein frǒwe alleine (Codex Manesse, Blatt 64v)
So wol dir ſvmerwunne (Codex Manesse, Blatt 64v)
So wol dir svmerwunne (Codex Manesse, Blatt 64v)
Gedanke die ſint ledic fri (Codex Manesse, Blatt 64v und 65r)
Gedanke die sint ledic fri (Codex Manesse, Blatt 64v und 65r)
Der winter w̾e mir ein zit (Codex Manesse, Blatt 65r)
Der winter were mir ein zit (Codex Manesse, Blatt 65r)
Div w̾lt noch ir altē ſitte (Codex Manesse, Blatt 65r)
Div werlt noch ir alten sitte (Codex Manesse, Blatt 65r)
Swa zewene dienent einē wibe (Codex Manesse, Blatt 65r)
Swa zewene dienent einem wibe (Codex Manesse, Blatt 65r)
Swer des biderben ſwache pfliget (Codex Manesse, Blatt 65r)
Swer des biderben swache pfliget (Codex Manesse, Blatt 65r)
So wo mich liebes des ich han (Mit originalen Lettern) (Codex Manesse, Blatt 65r)
So wo mich liebes des ich han (Mit aufgelösten Abbreviaturen) (Codex Manesse, Blatt 65r)
Frǒwe mines libes frǒwe (Mit originalen Lettern) (Codex Manesse, Blatt 65r)
Frǒwe mines libes frǒwe (Mit aufgelösten Abbreviaturen) (Codex Manesse, Blatt 65r)
Sich hat v̾wandelt dú zit (Codex Manesse, Blatt 65r und 65v)
Sich hat verwandelt dú zit (Codex Manesse, Blatt 65r und 65v)
Nv iſt es an ein ende komē dar nach ie min h̾ze ranc (Codex Manesse, Blatt 65v)
Nv ist es an ein ende komen dar nach ie min herze ranc (Codex Manesse, Blatt 65v)
Slafeſt dv friedel ziere (Codex Manesse, Blatt 65v)
Slafest dv friedel ziere (Codex Manesse, Blatt 65v)
Vrlob hat des ſvmers bꝛehen (Codex Manesse, Blatt 65v)
Urlob hat des svmers brehen (Codex Manesse, Blatt 65v)
Wart ane wandel ie kein wib (Mit originalen Lettern) (Codex Manesse, Blatt 65v)
Wart ane wandel ie kein wib (Mit aufgelösten Abbreviaturen) (Codex Manesse, Blatt 65v)
Ich ſv̊chte gv̊ter frúnde rat (Codex Manesse, Blatt 65v und 66r)
Ich sv̊chte gv̊ter frúnde rat (Codex Manesse, Blatt 65v und 66r)
Editionen
Heidelberg, Universitätsbibliothek, Cpg 848, Bl. 64r bis 66r, Digitalisat UB Heidelberg bis UB Heidelberg
Simone Leidinger: Dietmar von Aist
Sekundärliteratur
Wilhelm Scherer: Dietmar von Eist. In: Allgemeine Deutsche Biographie (ADB). Band 1. Duncker & Humblot, Leipzig 1875, S. 167
Alfred Romain: Die Lieder Dietmars von Eist. Univ., Diss., Leipzig 1911. (auch in: Beiträge zur Geschichte der deutschen Sprache und Literatur 37. 1912, S. 349–431, 565.)
Hugo Kuhn: Dietmar von Eist. In: Neue Deutsche Biographie (NDB). Band 3, Duncker & Humblot, Berlin 1957, ISBN 3-428-00184-2, S. 675 MDZ München
Helmut Tervooren: Dietmar von Aist. In: Verfasserlexikon, Band 2. 2. Auflage. De Gruyter, Berlin 1980, ISBN 3-11-007699-3, Spalte 95–98.
Des Minnesangs Frühling. Hg. von Karl Lachmann und Moriz Haupt, Berlin 1857, 38. Aufl.1988 bearbeitet von Hugo Moser und Helmut Tervooren
Günther Schweikle: Minnesang. 2., korrigierte Auflage. Metzler, Stuttgart 1995, ISBN 3-476-12244-1 (= Sammlung Metzler; Band 244).
Weblinks
Austria-Forum Dietmar von Aist
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.
Was ist fúr das truren gůt
Dietmar von Aist
Exportiert aus Wikisource am 25. August 2022
[64v]
Wvas [WS 1] ist fúr das truren gůt· das wib nach liebem manne hat·
gerne das min herze erkande wan es so betwungen stat·
also redte ein frǒwe geneme·
vil wol ichs an ein ende keme
enwer dú hv̊te·
selten sin vergessen wirt in minem mvͤte·
Genv̊ge iehent dc grôsse stete· si der besten frǒwen trost·
des enmag ich niht gelǒben sit min herze ist vnerlost·
also zwei geliebe sprachen·
do si von ein ander mv̊sten gahen·
owe minne·
der din ane moͤhte sin das weren sinne·
So al dú werlt růwe hat der mv̊s ich eine wesen fri·
dc kvmt von einer frǒwen schoͤne der ich gerne were bi·
an der al min froͤide beliben
mv̊s vor allen werden wiben·
vf der erden·
wes lie si got mir armen man zekale werden·
Anmerkungen (Wikisource)
↑ Vorlage: Wvas.
Senender frúndinne botte nv sage ir was ich lide·
dc mir tv̊t ane mâsse we dc ich si so lange mide·
lieber het ich ir minne gelingen·
danne al der vogelline singen·
nv mv̊s ich von ir gescheiden sin·
trurig ist mir al das herze min·
Nv sage dem ritter edele dc er sich wol behvͤte·
vnd bite in schone wesen gemeit vnd lâssen alles vngemvͤte·
ich mv̊s ofte sin engelten·
dc er kvmt den herzen min so selten·
an sehendes leides han ich vil·
dc ich im selbe gerne klagen wil·
Es getet nie wib so wol an deheiner slahte sinne·
dc al duhte gv̊t des bin ich wol worden inne·
swer sin lieb lat darvmbe·
dc kvmt von swaches herzen tvmbe·
dem wil ich den svmer vnd alles gv̊t·
widerteilen dvr sinen vnsteten mv̊t·
Ahv́ nv kvmt vns dú zit der kleinen vogelline sang·
es gruͤnet wol dú linde breit zergangen ist der winter lanc·
nv siht man blv̊men wol getan an der heide vͤbent si ir schin·
des wirt vil manig herze fro des selben troͤstet sich dc min·
Ich bin dir lange holt gewesen frǒwe biderbe vnd gv̊t·
vil wol ich dc bestat han dv hast getúret mir den mv̊t·
swc ich din besser worden si ze heilen mv̊s es mir ergan·
machest dv dc ende gv̊t so hastvs alles wol getan·
Man sol die biderben vnd die gv̊ten zallen ziten haben wert·
swer sich geruͤment alze vil der hat der besten mâsse niht gegert·
io sol es niemer hoͤfescher man gemachen allen wiben gv̊t·
er ist sin selbes meister niht swer sin alze vil getv̊t·
Vf der linden obene da sanc ein kleines vogellin·
vor dem walde wart es lut do hv̊b sich aber dc herze min·
an eine stat da es e da was ich sach da roseblv̊men stan·
die manent mich der gedanke vil die ich hin zeiner frǒwen han·
Es dunket mich wol tvsent iar dc ich an liebes arme lag·
svnder ane mine schulde frǒmdet er mich manigen tag·
sit ich blv̊men niht ensach noch horte kleiner vogel sanc·
sit wc al min froͤide kurz vnd ǒch der iamer al zelanc·
Es stv̊nt ein frǒwe alleine·
vnd warte vber heide·
vnd warte ir liebes
so gesach si valken fliegen·
so wol dir valke dc dv bist·
dv flúgest swar dir lieb ist·
dv erkv́sest dir in dem walde·
einen bǒm der dir gevalle·
also han ǒch ich getan·
ich erkos mir selbe einen man·
den erwelton minú ǒgen·
dc nident schone frǒwen·
owe wan lânt si mir min lieb
ioh engerte ich ir dekeinen trvtes niet·
So wol dir svmerwunne·
dc gevogelsang ist gesvnde·
alse ist der linden ir lǒb·
iarlanc trůbent mir ǒch·
miniv wol stenden ǒgen·
min trut dv solt dih gelǒben
anderre wibe·
wan helt die solt dv miden·
do dv mich erst sehe·
do duhte ich dich zeware·
so rehte mīneklich getan·
des man ich dich lieber man·
Gedanke die sint ledic fri·
dc in der werlte nieman kan erwenden·
da ist ǒch dike senen bi·
die mv̊s ich von dem herzen ofte vnsanfte senden·
ein rehtiv liebe mich betwanc·
dc ich ir gap das herze min·
des werdent mir dú iar so lanc·
sol ich von der gescheiden sin·
das wene [65r] min leben iht lange ste·
ich verdirbe in kvrzen tagen mir tůt ein scheiden also we·
Ich súfte vnd hilfet leider niht·
vmbe ein wib bi der ich gerne were·
so si min ǒge niht ensiht·
dc sint dem herzen vil leidú mere·
ir tugende die sint valsches vri·
des hoͤre ich ir die besten iehen·
nv sehent wie minem herzen si·
ich getar ir leider niht gesehen·
wie seneliche si mich lie·
dc geschach mir e· von wibe nie·
Ich han der froͤiden vil verlan·
dc ich niht herzelieb vinden kvnde·
swc ich froͤiden ie gewan·
dc ist wider dise liebe ein krankú stunde·
die ich zeliebe mir erkos·
sol ich der so verteilet sin·
seht des belibe ich froͤidelos·
vnd wirt an minen ǒgen schin·
in alder werlte ein schoͤne wib·
vil gar ir eigen ist min lib·
Der winter were mir ein zit·
so rehte wunnekliche gv̊t·
wer ich so selig dc ir strit·
getroste minen senden mv̊t·
o wol mich danne langer naht·
gelege ich als ich willen han·
si hat mich in eī truren braht·
des ich mich niht gemâssen kan·
Wie tv̊t der besten einer so·
dc er min senen mag vertragen·
es were wol vnd wurde ich fro·
ich kvnde wol sin ane klagen·
ob mir nv leit von im geschiht·
der mir ist nahe an min herze komen·
wc hilfet zorn als er mich siht·
den hat er schiere mir benomen·
Div werlt noch ir alten sitte·
an mir begat mit nide·
si vert mir wunderliche mitte·
si wellent dc ich mide·
den besten frúnt den ieman hat·
wie sol des iemer werden rat·
sol ich ir lange froͤmde sin·
ich weis wol dc tůt ir we·
dc ist dú meiste sorge min·
Nieman vindet mich dar an·
vnstete mines mv̊tes·
in si der eine· der ir gan·
vil eren vnd gv̊tes·
si kan mir niemer werden leit·
des búte ich mine sicherheit·
also trurig wart ich nie·
swenne ich die wolgetanen sach
min senendes vngemach zergie·
Swa zewene dienent einem wibe·
mit vngelichem mv̊te·
der eine tv̊t mit sime libe·
swc er iemer kan zegv̊te·
der ander wil noch enkan·
der ist ein vngefuͤger man·
dc si den welt vnd ienen niht·
wes schult dc si dc wisse ich gerne·
vnd wil dar nach iemer vragen vnz ichs gelerne·
welh vnmâsse da geschiht·
Swer des biderben swache pfliget·
dabi des boͤsen wol·
der hat si beide verlorn·
gewalt den witzen an gesiget·
ein sinnig herze sol·
verdulden mangen zorn·
des iares kvmt vil lihte ein tag·
dc er sin heil volbringen mag·
swer vnrehter mâsse pfliget· der mag sin wol engelden·
gv̊ter gibit noch ie gebrast mit schoͤnen zuhten selten·
So wo mich liebes des ich han·
vmbevangen hohe stat min mv̊t·
ich wenne nie dú werlt gewan·
ein schoͤne wib so rehte gv̊t·
man sol si loben deste bas·
der vns alle werden hies wie lútzel der an ir vergas·
tvgende hat [WS 1] si michels me danne ich gesagen kvnne·
si ist leides ende vnd liebes trost vnd aller froͤide ein wunne·
Anmerkungen (Wikisource)
↑ Vorlage: het.
Frǒwe mines libes frǒwe·
an dir stet aller min gedank·
dar zv̊ ich dich vil gerne schǒwe·
dv gewunne nie vnsteten wank·
dar zv̊ were ich dir vil gerne bi·
nv nim mich in din genade
so belibe ich aller sorgen frî·
Sich hat verwandelt dú zit· dc versten ich bi der vogel singen·
geswigen sint die nahtegal si hant gelan ir svͤsses klingen·
vnd valwet oben der walt·
ie noh stet dc herze min in ir gewalt·
der ich den svmer gedienet han·
dú ist min froͤide vnd al min lieb ich wil irs niemer abe gegan·
Ich mv̊s von rehten schulden hoh tragen dc herze vnd alle die sinne·
sit mich der allerbeste man verholn in sime herzen mīne·
er tůt mir grôsser sorgen rat·
wie selten mich dú sicherheit geruwen hat·
ich wil im iemer stete sin·
er kan wol grôsser arbeit gelonen nach dem willen min·
Ich bin ein bote her gesant frǒwe vf mange [65v] dine guͤte·
ein ritter der dich hat erwelt vs al der werlte in sin gemvͤte·
er hies dir klagen sin vngemach·
dc er ein senendes herze treit sit er dich sach·
im tůt sin langes beiten we·
nv reden wirs an ein ende enzit ê im sin froͤide gar zerge·
Der got der al die welt geschaffen hat der gebe der lieben noch die sinne·
das si mich mit armen vmbevahe vnd mich von rehten herzen minne·
mich dvnkent ander frǒwen gůt·
ich gewinne von ir dekeiner niemer hohen mv̊t·
sin welle genade enzit began·
dú sich da sv́ndet an mir vnd ich ir vil gedienet han·
Nv ist es an ein ende komen dar nach ie min herze ranc·
das mich ein edelú frǒwe hat genomen in ir getwanc·
der bin ich worden vndertan·
als dc schif den stúrman·
swanne der wag sin únde also gar gelâssen hat·
so hoh owi
si benemet mir mange wilde tat·
Ia hoͤre ich vil der tvgende sagen von eime ritter gůt·
der ist mir ane mâsse komen in minen steten mv̊t·
dc sin zekeiner zit min lip·
mag vergessen redte ein wib·
nv mv̊s ich alder werlte haben dvr sinen willen rât·
so hoh owi
wol ime wie schone ir das gedienet hat·
Wie moͤhte mir min herze werden iemer rehte frůt·
dc mir ein edelú frǒͤwe also vil zeleide tůt·
der ich vil gedientet han·
als ir wille wc getan·
nv wil si gedenken niht der mangen sorgen min·
so ho owi
sol ich ir lange froͤmde sin·
Slafest dv friedel ziere·
wan weket vns leider schiere·
ein vogellin so wol getan·
dc ist der linden an dc zwi gegan·
Ich[WS 1] was vil sanfte entslafen·
nv rúfestv kint wafen·
lieb ane leit mag niht sin·
wc dv gebútest dc leiste ich min frúndin·
Dú frǒwe begvnde weinen·
dv ritest hinnen vnd last mich einen·
wenne wilt dv wider her zv̊ mir·
owe dv fvͤrest mine froͤide sant dir·
Anmerkungen (Wikisource)
↑ Vorlage: ch.
Urlob hat des svmers brehen·
der wol wc ze růmen·
swc mir leides ist geschehen·
sit ich den ersten blv̊men·
vnder einer grůnen linden flaht·
der winter vnd sin langú naht·
die ergetzent vns der besten zit·
swa man bi liebe lange lit·
Wir han die winter langen naht·
mit froͤiden wol enpfangen·
ich vnd ein ritter wol geslaht·
sin wille der ist ergangen·
als wirs nv beide han gedaht·
so hat ers an ein ende braht·
mit maniger froͤide vnd liebes vil·
er ist als in min herze wil·
Ich solde zúrnen hvlfe es îet·
dc dv als lange were·
do ich aller nehest von dir schiet·
sit hat ich grôsse swere·
betwungen was dc herze min·
nv wil es aber mit froͤiden sin·
habe ich dich gerne niht gesehen
so mv̊se leide mir geschehen·
Wart ane wandel ie kein wib·
dc ist si gar der ich den lib·
han gegeben fúr eigen·
si rǒbet mich der sinne [WS 1] min·
si ist schoͤne alsam der svnnen schin·
ia bin ich niht ein heiden·
si sol genade an mir began·
vnd sol gedenken dc ich ir wc ie vil vndertan·
Was bedorfte des ein wib·
dc ich so gar dvr si den lib·
verlos vnd al min sinne·
si ist so vaste niht behv̊t·
edoch so dvnket si mich gůt·
des bringe ich si wol inne·
es were an miner frowen ein slag·
si sol gedenken ob si toͤrschen ie bi mir gelag·
Was wisset mir der beste man·
ich habe ime leides niht getan·
er froͤt sich ane schulde·
dc er in hat von mir geseit·
dc ist mir húte vnd iemer leit·
er verlv́set mine hulde·
mir wirret niht sin boͤser kib·
wc half dc er toͤrschen bi mir lag io [WS 2] enwart ich nie sin wib·
Anmerkungen (Wikisource)
↑ Vorlage: sv́nne.
↑ Vorlage: ion.
Ich sv̊chte gv̊ter frúnde rat·
der aller beste hat mir noch geraten niht ze wol·
ia enweis ich war vmbe er das lat·
min herze mein ich dc vor allen frúnden raten sol·
es riet dien sinnen das si mich·
verleiten vnd selbe sich·
an ein vil tvgentriches wib·
dú ist mir lieber danne ich ir darvmbe truret mir der lib·
Mir wont vil vngemaches bi·
min aller beste froͤide lit ǒch an der gv̊ten [66r] gar·
swie vngenedig si mir si·
so wil edoch dc herze min niender anders danne dar·
es hat mich gar dvr si verlan·
vnd wil ir wesen vndertan·
wie han ich svs an im erzogen·
es tv̊t der tohter vil gelich dv́ liebe mv̊ter hat betrǒgen·
Über diese digitale Edition
Dieses E-Book wurde aus dem Bestand der freien Quellensammlung Wikisource, einem Schwesterprojekt der Wikipedia, erstellt. Dieses mehrsprachige Projekt, dient dem Aufbau einer Bibliothek mit frei verfügbaren Inhalten und wird ausschließlich von Freiwilligen betrieben. Wikisource umfasst eine Vielzahl von Texten: Romane, Gedichte, wissenschaftliche Aufsätze, Reportagen, Gesetze, Zeitungen und Zeitschriften und vieles mehr.
Alle Werke bei Wikisource sind entweder gemeinfrei oder stehen unter einer freien Lizenz. Sie können dieses E-Book für jeden Zweck, auch kommerzielle, verwenden und beliebig weitergeben. Im Falle, dass der Text unter einer freien Lizenz steht, sind zusätzlich die entsprechenden Lizenzbedingungen zu beachten.
Wikisource ist immer auf der Suche nach neuen Mitarbeitern. Wenn Sie Interesse an einer Mitarbeit haben, finden Sie einführenden Informationen auf der Hauptseite von Wikisource.
Bei der Erstellung des Textes kann es leider zu Fehlern kommen. Wenn Sie einen solchen finden, bitten wir um entsprechende Informationen auf dieser Wikisource-Seite oder per E-Mail an ebook@wikisource.de.